Казанның 9 мәктәбе илнең иң яхшы уку йортлары исемлегенә кергән
2013-2014 елларда мәгариф өлкәсендә зур нәтиҗәләр күрсәткән илнең иң яхшы 500 мәктәбе исемлегендә Казанның тугыз уку йорты бар. Бу мәктәпләр - бердәм дәүләт имтиханнары күрсәткечләре, Бөтенроссия мәктәп укучылары олимпиадалары нәтиҗәләре буенча иң алдынгы рәтләрдә торучылар.
2013-2014 елларда мәгариф өлкәсендә зур нәтиҗәләр күрсәткән илнең иң яхшы 500 мәктәбе исемлегендә Казанның тугыз уку йорты бар. Бу мәктәпләр - бердәм дәүләт имтиханнары күрсәткечләре, Бөтенроссия мәктәп укучылары олимпиадалары нәтиҗәләре буенча иң алдынгы рәтләрдә торучылар.
Исемлектә Казанның КФУ каршындагы Лобачевский исемендәге лицее, 2нче лицей-интернат, 122нче, 7нче, 19нчы гимназияләр, 18нче, 39нчы, 72нче чит телләрне тирәнтен өйрәтүче мәктәпләр бар. Ә менә 131нче лицей Россиянең иң яхшы 25 мәктәбе исемлегенә кергән.
Мәскәүнең өзлексез математик белем алу үзәге белдергәнчә, әлеге исемлекләр лидер мәктәпләрне ачыкларга ярдәм итә. Соңыннан исә, бу мәктәпләр бер-берсе белән тәҗрибә уртаклашу мәйданчыгы булып торачак.
Иң яхшы мәктәпләр исемлегенә Татарстан буенча барлыгы 17 уку йорты кергән.
Фото: prm.ru
Комментарийлар