Шәһри Казан

Балалар бакчасы тирәсендә исереккә дә урын бар, яки мендәрсез бакчага быел Кыш бабай килерме?

Совет районының 206 нчы балалар бакчасының ишегалдындагы мәйданчыкны (Кирпичников ур., 3а) бомжлар һәм исерекләр алган. 262 бала тәрбияләнүче әлеге бакча күбрәк төзелеш мәйданын хәтерләтә.

Аны уратып алырга тиешле агач рәшәткә инде күптәннән череп төшкән. Тимердән коелган ягы гына бирешми. Калган якларындагы койма вазифасын җимерек гаражлар һәм төзелеш объектлары үти. Менә шушы гаражлар йортсызларга, исерекләргә куну урыны булып тора да инде. 1964 елда төзелгән бина үзе дә куркыныч хәлдә, капиталь ремонт таләп итә.
Хәзер ата-аналар һәм бакча җитәкчесе арасында көрәш бара. Ләкин әлегә бәхәснең очы-кырые күренми.

- Баламны узган ел ноябрь аенда беренче тапкыр бакчага илттем. Ул вакытта урамда кар төшкән иде, бакча тирәсендәге пычракны күрмәдек. Яз көне кар эрегәч, бөтен чүп өскә калыкты. Март аеннан ук бакча җитәкчесе белән сөйләшеп йөрибез. Совет районы хакимиятенә дә, район башкарма комитетына, мэриягә, РОНОга да язып карадык, нәтиҗәсе булмады. Балалар бакчасындагы антисанитарияне берсе дә кире какмый, ләкин аны бетерү өчен бернинди чара да күрелми. Акча юк, диләр, - дип зарлана Екатерина Охотникова.


Ата-аналар район хакимиятенә җәй көне генә булса да планнан тыш, территорияне җыештыруларын сорап, мөрәҗәгать иткән. Ә өмә бары тик октябрь ахырында, инде җир туңып өлгергәч кенә ясалган. Бомжлардан котылуны ата-аналарга йөкләгәннәр.

- Без бит һәрберебез эштә, бакча тирәсенә бомж­лар киләме-юкмы икәнен сагалап тора алмыйбыз. Бакча җитәкчесенә, күрсәгез, шалтыратып, полиция чакырыгыз, дип әйткән идек, безнең үтенечне колагына да элмәде. Кичләрен ул исерек­ләр тагын шул балалар бакчасы төбендә җыела, - ди Екатерина.

Шуңа өстәп, бакчада ата-аналардан, балаларның кирәк-яракларына дип, акча да җыялар икән әле. Балаларын кечкенәләр төркеменә йөртүче ата-аналар уен мәйданчыгы ясарга дип өчәр мең сум җыйган, олы төркемгә йөрүче балаларның ата-аналары чокырлар, бойлер һәм башка вак-төяк өчен берәр мең сум түләгән.

- Соңыннан тәрбиячеләр, балаларның йокларга мендәрләре юк, Кыш бабайны чакыру өчен дип, тагын акча сорарга тотынды. Шуннан соң безнең арада ризасызлык башланды. Акча җыюдан баш тарттык. Җитәкче белән сөйләштек, ләкин ул безне кая телисез, шунда барып зарланыгыз дип, кире борып җибәрде. «Акча түләмәсәгез, үз хезмәт хакымнан түлим алайса!» - дип тә өстәде әле. Кыскасы, аның белән уртак тел табып булмады, - дип сөйләде сеңлесенең кызын әлеге балалар бакчасына йөртүче каләмдәшебез Гөлназ Бәдретдин.

Реклама

Бакчада балалар мендәрсез йоклый.

Җитәкче исә, мартта гына эшкә тотыну сәбәп­ле, мендәрләр юклыгын моңарчы белмәдем, дип җавап кайтарган.
- Узган ел башка балалар бакчасына йөргән идек. Анда да акча җыйдылар. Ләкин Татарстан мәгариф һәм фән министрының ата-анадан акча җыймаска дигән карары чыккач, алган әйберләрне пакетларга салып, безгә кире кайтарган иделәр. Хәзер бу бакчада да шул ук хәл кабатлана, - дип белдерде Гөлназ.

Бу хакта балалар бакчасы җитәкчесе белән дә сөйләшеп, эшнең асылы нидә икәнен төшенергә булдык. Башта фамилиясен әйтергә теләмәгән ханым ата-аналар юкка зарлана дип белдерде.
- Дөрес, безнең койма юк, мин аны инкяр итмим. Киләсе елның март аенда бакчага капиталь ремонт ясаячаклар. Койма төзеләчәк, гаражлар сүтеләчәк. Хәзерге вакытта балалар тормышына бернинди куркыныч та янамый, чөнки алар бакчаның арткы ягында уйный, ә анда бернинди төзелеш материаллары да, исерек­ләр дә юк. Балалар уйный торган мәйданчык тимер койма белән уратып алынган, - дип җавап бирде бакча мөдире вазифаларын вакытлыча башкаручы Гөлнара Әүһәдиева.

Чүп-чарның ниндие генә юк.
Ата-аналар гына түгел, күрше-тирәдә яшәүчеләр дә зарлана җимерек гаражлардан. Кемнеңдер йорт тәрәзәләре нәкъ шунда карап тора, кемдер балаларын шул гаражлар тирәсендәге уен мәйданына алып бара.
- Бомжлар җәй буе шу­шы гаражларда куна. Хәзер салкын булганга гына каядыр күченделәр. Ә исерекләр әле дә шунда бөтерелә. Онык­ларым гел шушы юлдан йөри. Үзләрен генә беркай­чан да җибәргән юк, исерекләрдән куркабыз, -дип сөйли бу ишегалдында яшәүче Татьяна Николаева.

Яшь ана Гөлия Сафина да бу көзгә баласын шушы бакчага урнаштырмакчы булган, мондый хәлләрдән соң бераз уйга калган әле.
- Ирем шушында туып-үскән. Элек биредә моннан да начаррак булган, диләр. Хәзер әле бераз булса да җыештырып торалар. Исерекләр шүрләтә инде, урамда озак йөрмәскә тырышабыз, - ди Гөлия.

Балалар бакчасы каршына исерекләр җыелуның төп сәбәпчесе - тимер-томыр һәм пыяла җыю пункты. Аны шушы гараж хуҗаларының берсе ачкан. Махмырдан интегүчеләр баш төзәтергә бераз акча кермәсме дип, буш шешәләр тапшыра. Ата­аналар, бу «козгын оясын» ябыгыз дип, полиция хезмәткәрләренә дә мөрәҗәгать иткән. Эчке эшләр министрлыгы карарына караганда, ул гараж инде күптән ябылырга тиеш булган. Ләкин документларда «ябык» саналган бина әле дә, берни булмагандай, эшен дәвам итә. Мин килгәндә дә бер төркем сәрхуш, гараж хуҗасын көтеп, балалар бакчасы тирәсендә бөтерелә иде. Хуҗасыз этләр дә исерекләрдән нәрсә булса да артмасмы дип өмет итә иде булса кирәк.

...Җитәкчеләр үзара эшне бүлешкәнче, балалар белән бер-бер хәл булмасын дип телисе генә кала.

Казан шәһәре мэриясе матбугат хезмәте:
- Балалар бакчасын рәшәткә белән уратып алу 2016 елның мартында булачак капиталь ремонт программасына кертелгән. Әлегә бинаның үзен ремонтлау каралмаган. Бу эш, акча бүленеп бирелгәч, гамәлгә кертеләчәк. Рәшәткәгә килгәндә, вакытлы чаралар күрербез. Балаларның куркынычсызлыгы өчен тәрбиячеләр һәм бакча җитәкчесе үзе җавап бирә. Бакча тирәсендә булган чүпне дә алар җыештырырга тиеш. Гаражларны җимерү мәсьәләсенә килгәндә, әлегә суд карарын көтәбез.

Гөлназ Бәдретдин фотолары

Нравится
Поделиться:
Реклама
Комментарии (0)
  • 23 января 2018 в 16:15
    Альпинистлар ярышларга «мәче» белән йөри?! Шимбә иртәсе. Урамда чатнама суык. Гадәттә, мондый вакытта кешеләрнең күбесе өйләреннән генә түгел, җылы юрган астыннан да чыкмый. Ә кайберәүләр салкын дип тормый, бозлы кыя өстенә менә, шулай ял итә. Сүзем альпинистлар турында.
    50
    0
    0
  • 23 января 2018 в 15:19
    Авылда мәдәният тармагында эшләүче яшь белгечләргә өстәмә акча түләнәчәк Авылда мәдәният тармагында эшләүче яшь белгечләргә өстәмә акчалар түләнәчәк. Бу хакта кичә Татарстанның Мәдәният министрлыгының киңәйтелгән коллегия утырышында билгеле булды.
    264
    0
    1
  • 23 января 2018 в 15:03
    Грипптан дарчин саклый Өендә дарчин (корица) торган кеше грипп белән авырмый икән, ни өчен дигәндә, әлеге тәмләткеч вирусларга каршы көрәшергә сәләтле.
    83
    0
    1
  • 23 января 2018 в 14:46
    «Язмышыма үпкәм юк: 15 яшемдә кыйнап сукыр калдырган үги әтиемне дә кичердем» «Аллаһы Тәгалә, бәндәмә күтәрә алмаслык кайгыны бирмәм, дигән. Адәм баласы барысын да күтәрә. Мине дә сынады Ул, ә мин бирешмәдем. Язмышыма да үпкәләмим, 15 яшемдә кыйнап күзсез калдырган үги әтиемне дә кичердем. Намаз саен аның рухына дога кылам...»
    239
    0
    4
  • 23 января 2018 в 14:30
    «Шәһри Казан» журналисты – җиңүче! Бүген Ветеринария һәм фитосанитария күзәтчелеге федераль хезмәтенең Татарстан буенча идарәсендә “Электрон ветеринария сертификаты. Продуктлар куркынычсызлыгы һәм сыйфатының яңа дәрәҗәсе” бәйгесенә йомгак ясады.
    94
    0
    1
  • 23 января 2018 в 14:06
    Фирзәр Мортазин һәм Салаватны нигә «ир белән хатын кебек» диләр? Бу көннәрдә Фирзәр Мортазин зурлап, “Пирамида” концертлар залында 60 яшен билгеләп үтте. Тамашаның масштабын һәм анда кемнәр катнашканын, ул көнне интернеттагы фотоларга күз салсаң, барын да чамалап була иде.
    217
    0
    3
  • 23 января 2018 в 11:52
    Илдус Нафиков: «Кирәк булса, җинаять эше дә ачарбыз!» Өлешләп түләүчеләр, банк белән бәйле кризис, ришвәтчелек, татар теле мәсьәләсе... Татарстан прокуратурасының еллык коллегиясендә күпләрне борчыган әлеге темалар күтәрелгән. Республика прокуроры Илдус Нафиковның җитди чыгышыннан күпләр киеренкелектә калган.
    119
    0
    0
  • 23 января 2018 в 11:25
    Казанда ике автобус катнашындагы һәлакәттә 7 кеше зыян күргән Бүген 7.20дә Ямашев проспектындагы 115нче йорт каршында 60нчы һәм 10нчы автобуслар бәрелешкән.
    115
    0
    0
  • 23 января 2018 в 11:15
    Атна башы буранлы, атна ахыры салкын булачак Республикада буран алдагы тәүлекләрдә дә дәвам итәргә мөмкин. Татарстан актив циклон йогынтысы астында калган.
    103
    0
    1
  • 22 января 2018 в 16:22
    Рәссам, карикатурачы Илдус Әҗемов: «Үзеннән-үзе көлә белмәгән кеше – ярты кеше ул» Табиблар, 17 минут көлү гомер озынлыгын бер елга арттыра, ди. Танылган рәссам, карикатурачы, шаржлар остасы Илдус Әҗемов та шул фикердә. Югыйсә, гомерен тулысы белән юмор, сатирага багышлап, татарларның бердәнбер сатира журналы булган «Чаян»ны чыгаруда 35 елга якын катнашыр идеме соң ул.
    79
    0
    0
  • 22 января 2018 в 15:48
    Әзәрбайҗан кухнясы: кадерле кунаклар килгәч кенә әзерләнә торган садж әзерләүне АДЫМЛАП ӨЙРӘТҮ Әзәрбайҗан кухнясы башкалардан яшелчәләр белән пеше­релгән итле ризыкларга бай булуы белән аерылып тора. Аларның күбесе махсус савытларда әзерләнә. Ипи урынына кулланыла торган чурекны - тандырда, питины - балчык чүлмәктә, пылауны - казанда, ә менә саджны шул ук исемдәге табада пешерәләр. Утта яралган ризык «Хан Булак» рестораны шеф-­повары Руслан Гурбанов белән...
    169
    0
    0
  • 22 января 2018 в 15:41
    «ҮЛГӘНЕҢНЕ КҮРСӘМ ИДЕ...» – Балам, син яшь кеше әле. Яшьлек кызулыгы белән кайчак әллә ниләр әйткән чаклар була, берүк, уйлап сөйләш. Бигрәк тә балаларыңа ямьсез сүзләр әйтә күрмә, алар каргыш булып әйләнеп кайтачак. Ана рәнҗешеннән, ана каргышыннан да куркыныч нәрсә юк, - диде Пенсия фондында чиратта торганда сүз алышып киткән Эльмира апа.
    471
    0
    3
Реклама
  • 16 января 2018 в 18:39
    Илфак Шиһапов истәлегенә
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
Соңгы комментарийлар
  • noname
    22 января 2018 в 17:16
    Бүген бер танышым "Шәһри Казан" сайтында сиңа комментарий язганнар, ә син җавап та бирмисең, дип шелтәләгәч, кереп караган идем дә, менә, гаебемне төзәтәм. Рәхмәт игътибарыгыз, сүзләрегез өчен! :) Кайчандыр Альберт абый безне чак кына укытып алган иде, махсус курс буенча керде. Шул дәресләрдән тыш аның белән аралашырга туры килмәде, шуңа да сез язган фикер минем өчен гайре көтелмәгән бер яңалык булды. "Әдәбиятчы" да дигән сүзләрегездән соң... үзегезне дә таныйсы килү теләге уянып калды) Мөмкин булса, языгызчы. Монда булмаса, ВКда яисә Фейсбукта - личкага. Шат булыр идем)
  • noname
    22 января 2018 в 14:47
    Исэнмесез Фирзэр Абый. Мин сезне бик хормэт итэм, жырларыгызны бик яратам. Авылны яратып сойлэвегез , сезгэ хормэтемне тагы да арттырды. Сезне юбилиегыз белэн котлыйм. Ижатыгызда унышлар, сэламэтлек телим.
  • noname
    22 января 2018 в 09:11
    Себехэналла мэшэалла куз тимэсен.молодец.Килэчэктэдэ зур унышлар насыйп итсен Раббым бер Аллам.Мин бик шат безнен татар кызыбызнын зур унышларына.Саулык бэхет тыныч хэерле бэракэтле гомер насыйп итсен Раббым бер Аллам сина Алинэ.
  • noname
    19 января 2018 в 23:18
    Өч һәм аннан да күбрәк баласы булганнарга 6 яшь тулганчы дарулар алу өчен 125 сум, коммуналь хезмәтләр, фатир өчен түләүләрдә 30 процент ташлама, мәктәп укучыларына, студентларга юлда йөрү өчен 282 сум дәүләт ярдәме каралган. Балалар бакчасына 50 процент ташлама белән түли аласыз. Түләгән сумманың бер өлеше компенсацияләнә. Гаиләдәге уртача айлык керем бер кеше башына 20 мең сумнан азрак булганда,өстәмә компенсация каралган. Биш һәм аннан да күбрәк баласы булганнар "Ана даны" медаленә ия була ала. Бу очракта һәр бала исәбеннән 5000 сум акча бирелә. Татарстан Президенты карары белән тиздән гамәлгә керәчәк авылдагы балалы гаиләләр өчен пособие турында әлегә төгәл генә мәгълүмат юк. Җитәкчеләр 1 февральгә кадәр барысы да ачыкланыр, дип вәгъдә итәләр.Әлеге пособиегә кагылышлы яңалыкларны "ШК" газетасыннан һәм сайтыннан күзәтеп бара аласыз, шулай ук теркәлү урыны буенча социаль яклау бүлегенә мөрәҗәгать итсәгез дә була. Хөрмәт белән,"ШК" газетасының бүлек мөхәррире Эльвира Мозаффар.
  • noname
    20 января 2018 в 11:13
Интервью