#Шоу-бизнес 03 января 2017, 11:31

Мирхәт Гайсин: «Кыш бабайдан ипотеканы түләттерер идем»

03 января 2017, 11:31

- Кызыклы Яңа еллар тормышымда күп булды... Безнең якта «Йортка Яңа ел кертү» дигән йола бар.

Скопировать ссылку

Мирхәт Гайсин: «Кыш бабайдан ипотеканы түләттерер идем»

- Кызыклы Яңа еллар тормышымда күп булды... Безнең якта «Йортка Яңа ел кертү» дигән йола бар.

Төнге 12не сукканнан соң йортка беренче булып ир-ат керсә, шуны яхшыга юрыйлар иде. Яңа елны алып кергән кешегә күчтәнәч, акча биреш. Классташым белән бу көнне озак көттек. Планнарыбыз - бөтен авылны йөреп чыгарга. Көтеп утырабыз 12 тулганын. Арыган булганбыздыр инде, йоклап киткәнбез. Уянсак, иртәнге сәгать биш. Елыйсылар килде! Күчтәнәч тә, акча да юк дигән сүз. Бер ел буе көтеп, 12 тулганда гына йоклап кит инде!

Ә Кыш бабайга ничек ышанганны белсәгез! Тик ул вакытта бүләк сайлау мөмкинчелеге юк иде. Хәзерге замана балалары бит алдан ук нәрсә кирәген әйтеп куя: кемгә телефон, кемгә планшет... Ә безгә каткан прәннек тисә, рәхмәт. Тик шулай да, барлык теләкләрне үти торган Кыш бабай булсын иде ул! Ипотеканы аннан түләттереп бетереп, Яңа елга бурычсыз атлап керер идем.

Яңа елны кайда каршы аласын беркайчан да планлаштырган юк. Авылда каршы алмаганга да байтак еллар...

Яңа ел ул - тормышның яңа ачылган бите. Шул чиста биткә бары тик сәламәтлек, бәхет һәм изгелекләр дип язып куясы килә. Барчагызга да иң матур теләкләр юллыйм!

Кызыклы яңалыкларны күзәтеп бару өчен Телеграм-каналга кушылыгыз.