Рөстәм Сәрвәров: «Халык өчен безнең эш мөһим дип саныйм»

Бар шундый кешеләр: үзләренә артык пиар ясамыйча гына, тыныч кына, елмаеп кына гомер буе татарга хезмәт итәләр. «Аксу» компанияләр төркеме җитәкчесе Рөстәм Сәрвәров әнә шундыйлардан. Ул татарча җырлар яза, үзе җырлый, дистәләгән талантлы яшьләрне сәхнәгә чыгарды, бүген татарча сыйфатлы китаплар бастыру белән дә шөгыльләнә. Рөстәм турында тагын шуны да әйтергә кирәк, аның кебек миһербанлы, ярдәмчел кешеләр хәзер бик сирәк.

- Борчыган нәрсәләр күп инде ул. Әле күптән түгел туган ягым Мөслим районының Ташлыяр авылына кайтып килдем. Авыл тарихы буенча китап әзерлибез. Шаккатыргыч күренешкә тап булдым: чеп-чи татар районындагы татар авылында балаларның теле русча ачыла. Урамда алар күбрәк русча, интернет сүзләре, кино, мультфильм сүзләре белән сөйләшәләр. Коточкыч бит бу! Без берничә ел элек «Аксу» студиясендә чит ил, рус мультфильмнарын татарчага сыйфатлы итеп тәрҗемә итеп чыгарган идек. Күпмедер алды халык, тик менә... Нәрсә бар, шул бар инде.

- Мин ул чакта концерт алдыннан үзен Гуля дип таныштырган кызларның, концерттан соң килеп: «Мин Гөлнара исемле», - дип әйтүләренә шатлана идем. Ходайга шөкер, бүген балаларга татар исемнәре кушу модага керде.

- Артык күп түгел. Йөздән бераз гына артыктыр.

- Дөрес беләсең. Мин аяк­ка баскан еллар - кооперативлар ачылган еллар бит. Мин дә «Татар җыры театры» дигән үз кооперативымны ачтым.Тора-бара ул «Аксу»га әйләнде. Гомер буе үземә эшләдем, бер тапкыр да отпуск алганым, хезмәт хакы көткәнем булмады. «Аксу» аша композитор, администратор Ганс абый Сәйфуллин Фарис Галләмов сеансларына стадионнар тутыра иде, төрле артистлар белән гел юлда идек, йөзләрчә төрле аудио, видео кассеталар чыгарылып таралды, илне, татар яшәгән бөтен җирне гиздек.

- Әлегә юк. Чыгымнарны кап­лау да авыр әлегә. Тик киләчәккә карап эш итәргә кирәк. Бу өлкәдә эш «Халкыбыз мирасы» дигән татар халык җырлары җыентыгын чыгарудан башланды. Шул җыентыкка кергән йөз җырны барлар өчен меңнәрчә җырны өйрәнергә, аларның тарихын ачыкларга туры килде. Кызык бит, кайвакыт җырчы: «Менә бу халык җыры», - дип яздырып килә, тикшерәсең, аның авторлары бар. Әйтик, Чулпан Зиннәтуллинаның «Аерылмагыз» җырын күпләр халык җыры дип йөри. Шуннан «Халкыбыз мирасы» дигән матбугат йорты ачтык, авыл тарихлары, җырлар җыентыклары, шәхси китаплар чыгарабыз. Әле менә 2016 елга «Татарча күңелле календарь» әзерләп ятабыз. Ул көзгә таба басылып чыгачак. Бакчачы Фарсель Зыятдиновның дару үләннәре, бакчачылык буенча язылган әйберләрен җыеп чыгарырга йөрибез. Аның бит шигырләре дә бик күп. Тыйнак кеше булганга гына бөтен яклап белеп бетермибез без аны. Татар теләсә кайсы өлкәдә татарча мәгълүмат ала алырга тиеш, шул чакта гына тел, милләт сак­ланачак.

- Команда булганда өлгереп була.

- Әлбәттә. Безнең студиянең ишеге һәрвакыт ачык. Талантлыларны көтеп калабыз. Китап­ларын бастырырга теләүчеләрне дә, яңа идеяләре булганнарны да. Мин халкым өчен безнең эш мөһим дип саныйм. Шуңа эшлим дә.