Шәһри Казан

Аерылышабыз. Өлешне нишләтим?

Ирем белән ипотекабыз бар. Аерылышырга карар кылдык. Аерылышкач ирем миңа бернәрсә дә тиеш булмасын өчен, аерылышканчыга кадәр фатирдагы үз өлешемнән баш тарта аламмы? Нотариуста никах килешүе төзеп, фатир һәм бөтен нәрсә аңа калачак, ә миңа ул компенсация түләячәк дип яздыртасы килә.

Нотариус иремә башта аерылышырга, аннан соң банкта мине ипотека түләүчеләр исемлегеннән чыгарырга кирәк, дип аңлаткан. Аннан соң гына килешү төзергә килергә кушкан. Шулай эшләп буламы?

Реклама

Юрист Наталья Лукашевская билгеләп үткәнчә, аерылышу белән вазифаларны үтәү арасында бернинди дә бәйләнеш юк. Никах таркалган очракта да, вазифалар калачак.
Ир белән хатын бергә яшәгән елларда сатып алынган милек һәм әйберләр аларның уртак милке булып санала. Шуңа да, аерылышу вакытында бу милек урталай бүленергә тиеш.
Әгәр дә фатир заем акчасыннан (ипотека кредитыннан) файдаланып алынган һәм милекне бүлү вакытына кредит тулысынча түләнеп бетмәгән булса, кредит алу буенча банк алдында бурыч йөкләмәләрен бүлү һәм кредит килешүенә үзгәрешләр кертү таләп ителергә мөмкин. Шул ук вакытта ир белән хатын бурыч йөкләмәләрен кредитор банк ризалыгыннан башка бүлә алмый.
Банкның ризалыгын алу өчен, кредит түләячәк кешенең матди мөмкинлеген раслый торган документларны тапшырырга кирәк. Мондый документларга, аерым алганда: эш урыныннан белешмә, хезмәт кенәгәсенең күчермәсе, керемнәр турындагы белешмә керә ала.
Шулай итеп, бу очракта сез иң элек банкка мөрәҗәгать итәргә тиеш буласыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: