Авылда веранда салыр өчен дә рөхсәт кәгазе кирәкме?

Татарстан Росреестр идарәсеннән алынган мәгълүматлар буен­ча, 2018 елның 3 августыннан кергән яңа закон нигезендә, гражданнарга төзелешне башлаганчы бер тапкыр, аннары төзелеш төгәлләнгәннән соң тагын бер кат җирле үзидарә органнарына барып, төзелеш хакында белдерергә кирәк булачак. Җирле үзидарә объектны төзү, реконструкцияләү турында белгерткән уведомление бирергә тиеш. Веранданы салган очракта да рөхсәт кирәк. Чөнки бу кагыйдә бары бакчачылык ширкәтләрендә салынган җәйге йортларга гына кагылмый.