Авылдагыларга акча түләнәме?
Авыл җирендә яшәүче әниләргә акча түләнә икән дип ишеттем. Шул турыда аңлатып китегез әле. (Эльмира Фатыйхова, Кайбыч)
Авыл җирендә яшәүче әниләргә акча түләнә икән дип ишеттем. Шул турыда аңлатып китегез әле. (Эльмира Фатыйхова, Кайбыч)
2018 елдан Татарстан Республикасында яңа канун кабул ителде. Авыл җирендә кимендә өч ел яшәгән, 25 яшенә кадәр беренче баласын тапкан әниләргә – 50 мең сум, өченче баласын 29 яшенә кадәр тапкан әниләргә 100 мең сум акча түләнә. 2018 елда беренче бала өчен 1689 әни акча алган. Быел гыйнвар аеннан бу мөмкинлектән 1096 кеше файдаланган. Өченче бала өчен быел 214 әни акча алган, дип хәбәр итә Татарстанның Хезмәт, халыкны эш белән тәэмин итү һәм социаль яклау министрлыгы матбугат хезмәте.
фото - pixabay.com
Кызыклы яңалыкларны күзәтеп бару өчен Вконтактега кушылыгыз.
Комментарийлар