Бушлай ризык буенча 4 сорау

Шуңа бәйле рәвештә, әти-әниләр тарафыннан тискәре фикерләр дә, хуплаучылар да аз булмады. Бу уңайдан Татарстан Иҗтимагый палатасы “кайнар элемтә” уздырды. Әти-әниләр сорауларына Татарстан Премьер-министры урынбасары Ләйлә Фазлыева, Татарстанның мәгариф министры Илсур Һадиуллин җавап бирде. Ул җавапларның кайберләрен сез укучыларыбызга да тәкъдим итәбез.

Сорау: Мәктәп ашанәсендә бушлай ашату программасы буенча икенче ашлар бирелә. Ә минем балам ботка ярата. Икенче ашны боткага алыштырып буламы?
Җавап: Менюда боткалар да каралган. Мисал өчен майлы карабодай боткасы. Ул итле гуляш белән бирелә. Әлбәттә, икенче ризыкны боткага алыштырып була.

Сорау: Балам күбрәк шулпалы ашлар ашарга ярата. Менюда ашлар бармы?
Җавап: Бушлай ашату программасы менюсында аш каралмаган. Әмма без сезнең тәкъдимне истә тотарбыз.

Сорау: Хроник авырулары булган балалар өчен аерым меню бармы?
Җавап: Әлегә мондый меню юк. Хроник авырулар бик күп төрле. Бу исә менюга төрле продуктларны кертүне таләп итә. Бу юнәлештә эш алып барыла.

Сорау: Балаларга бирелә торган ризыкларның сыйфатын кем тикшерә?
Җавап: Ризыкларның сыйфатын Роспотребнадзор тикшереп тора. Бу мәсьәлә Президентның да контролендә.

Лилия ЛОКМАНОВА.