Безнең эштә электрон хезмәт кенәгәсенә күчү турында сөйли башладылар. Имеш, киләчәктә бары шундый төр генә гамәлдә булачак. Электрон хезмәт кенәгәсенең өстенлеге нидә? Гөлназ Садыйкова, Яшел Үзән.
Киров районы пенсия бүлеге хезмәткәрләре аңлатуынча, һәр кеше былтыр ук электрон хезмәт кенәгәсен сайларгамы, әллә кәгазеннән куллануны дәвам итәргәме икәнен үзе хәл итте. Нәтиҗәдә, Татарстанда 179 меңнән артык кеше электрон форматны сайлаган. Электрон хезмәт кенәгәсендә хезмәт чоры һәм эш урыны, квалификация, эшкә алу һәм эштән азат ителү көннәре, хезмәт килешүен өзүнең сәбәбе, башка мәгълүматлар исәпкә алына.
Фото: http://pixabay.com
Иң мөһим һәм кызыклы язмаларны Татмедиа Telegram-каналында укыгыз
