Күлмәкне алыштырып буламы?

Миңа аны ничә көн эчендә алыштырып бирергә тиешләр? 
Зәлия 
Сәмигуллина, Казан.

«Кулланучылар хокукларын яклау турында»гы канунның 1нче пункты, 21нче маддәсе нигезендә, товарда кимчелекләр күзәтелгән очракта, җитештерүче йә кибетче кулланучыга товарны җиде көн эчендә алыштырып бирергә тиеш. Әгәр сыйфатны тикшерү өчен вакыт таләп ителә икән, товарны тикшерүгә җибәрсәләр, иң күбе 20 көн көтәргә кирәк булачак. Әгәр дә сатучының алыштырыр өчен шундый ук товары юк икән, алыштыру срогы бер айга сузылырга мөмкин.