Шәһри Казан

Күмер яккан өчен түләнмиме?

Мин авыл клубында кочегар булып эшлим. Безнең районда күп мәдәният йортларына газ керде. Ә без һаман күмер ягабыз. Башкалар газ җайланмасының төймәсенә басканда, мин тузанлы, авыр хезмәт башкарам. Ә хезмәт хакы бер үк. Миңа зыянлы эш өчен өстәмә түләнергә тиеш түгел микән? Әтнәдән газета укучыгыз.

Әтнә районы мәдәният бүлегендә бу сорауга төгәл җавап бирә алмадылар. Күмер белән ягыла торган клублар бик аз калды, тик анда эшләүче кочагарларга өстәмә түләү каралмаган иде, диделәр.
Дәүләт алкоголь инсекциясендә кулланучылар хокукларын яклау бүлеге эшләп килә. Без бу сорау белән Казан территориаль органы эчке базарны үстерү һәм координацияләү бүлеге җитәкчесе, юирст Марсель Шаһидуллинга мөрәҗәгать иттек.
– Авыр, зыянлы эш башкаручыларга ниндидер гарантия, компенсациягә ия булу өчен эш урынын документаль рәвештә расларга кирәк. Моның өчен гадәттә, җитәкче эш урыннарына аттестация уздыра. Хезмәт кодексының 147нче маддәсе буенча авыр, зыянлы, куркынычсыз эштә хезмәт итүчеләргә нормаль эш шартлары тудырылган урында эшләүчеләргә караганда күбрәк хезмәт хакы түләнергә тиеш.
Мондый урыннарда хезмәт итүчеләрнең минималь хезмәт хакы социаль хезмәт мөнәсәбәтләрен көйләү буенча комиссия фикерен исәпкә алып, Россия Хөкүмәте карары белән билгеләнергә тиеш. Өстәмә отпуск, кыскартылган эш көне рөхсәт ителгән авыр шартлардагы хезмәт урыннары, цехлар, оешмалар исемлеге бар. Анда кочегарның да берничә төре искәртелгән. Һәр һөнәр исемлектә бердәй тариф-квалификация исемлеге буенча билгеләнгән. Вакытыннан алда пенсиягә чыкканда да моңа игътибар бирәләр. Котельныйда эшләүче машинист (кочегар) картлык буенча иртәрәк пенсиягә чыга ала, моның өчен бинаның тулысынча күмер белән ягылганын расларга кирәк. Шунысын да истә тоту мөһим, кочегарның эше сезонлы. Ягъни җылы вакытта ягарга кирәкми. Шуңа да бу вакыттагы эш вакытлары ташламалы стажга керми, – диде юрист.
Кыскасы, сезгә өстәмә түләүне сорап эш бирүчегә барырга кирәк булачак, әгәр каршы килсәләр, тулырак мәгълүмат алыр өчен Татарстанның Хезмәт, халыкны эш белән тәэмин итү һәм социаль яклау министрлыгына шәхсән мөрәҗәгать итә аласыз.

Дамир Бәдриев фотосы

Реклама

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: