16+

Коммуналь хезмәтләргә кем түләргә тиеш?

Күп катлы фатирдан йорт сатып алдым. Фатирны кабул итеп алу турында актны имзаладым, тик торакны милкем итеп рәсмиләштергәнче анда яшәмәдем. Төзүче оешма йортны куллануга тапшырганнан соң, миннән коммуналь хезмәтләр өчен түләвемне таләп итә башлады. Бу дөресме? Исемем редакция өчен генә.

Коммуналь хезмәтләргә кем түләргә тиеш?

Күп катлы фатирдан йорт сатып алдым. Фатирны кабул итеп алу турында актны имзаладым, тик торакны милкем итеп рәсмиләштергәнче анда яшәмәдем. Төзүче оешма йортны куллануга тапшырганнан соң, миннән коммуналь хезмәтләр өчен түләвемне таләп итә башлады. Бу дөресме? Исемем редакция өчен генә.

Сорауга Дәүләт алкоголь инспекциясенең эчке базарны координацияләү һәм үстерү бүлеге башлыгы юрист Марсель Шаһидуллин җавап бирә.

– Торак-коммуналь хезмәтләр су, ут, газ өчен түләү генә түгел, капиталь төзекләндерү, йортны тоту, чүп түгү өчен тотылган чыгымнарны үз эченә ала. Россия Торак кодексының 153нче маддәсе буенча (2004 елның 29 декабреннән №188 Федераль закон) торак өчен коммуналь хезмәтләрне түбәндәге очракларда түләү мәҗбүри: социаль найм төзелгән көннән алып фатирда яшәүче өчен, аренда килешүе төзелгәннән соң; вакытлыча фатирда яшәүчеләр өчен, кооператив әгъзаларына йорт куллануга тапшырылганнан соң; милекчегә йорт милке итеп рәсмиләштерелгәннән соң; төзүче оешма йортны куллануга тапшырганнан соң фатирны кабул итеп алган кешеләр өчен. Фатирны кабул итү турындагы актны имзалау – торак-коммуналь хезмәтләргә түләү җаваплылыгын үз өстегезгә аласыз дигән сүз.

Йортны эксплуатациягә тапшыру турында акт имзаланган икән, объект төгәлләнгән булып санала. Әгәр дә застройщик белән килешүдә эксплуатациягә тапшырганнан соң йорт өчен хезмәтләргә түләү турында берни дә әйтелмәгән икән, бәхәсләшергә урын бар. Әгәр дә актны имзалаганнан соң торакны милек итеп рәсмиләштергәнче шактый вакыт узган икән, һәм бу вакыт аралыгында кеше коммуналь хезмәтләрдән файдаланмаса, застройщик вакытлыча милекнең идарәчесе вазифасын башкаручы буларак сездән чынлап та чыгымнарны түләүне таләп итә ала. Торак кодексының 153нче маддәсендә (2нче бүлек, 6нчы пункт) төзелеш компаниясеннән торакны кабул итеп алган зат коммуналь хезмәтләр өчен түләргә тиеш диелгән. Әмма монда бер мөһим момент бар: өлешләп түләүчеләр фатирны кабул итеп алу актын бер вакытта имзаламый, торакны милке итеп тә төрле вакытта теркиләр. Кыскасы, шундый картина килеп чыга: акт имзалаган кешеләр саны 80 процентны тәшкил итәргә, фатирда яшәүчеләр – 90 процент, милекчеләр булырга өлгергәннәр 60 процент булырга мөмкин. Судка мөрәҗәгать итсәң, акчаны торак милекчеләреннән түгел, ә коммуналь хезмәтләрдән чынлап файдаланган кешеләрдән түләттерәчәкләр. Актны имзалаганчы хезмәтләр өчен түләттерү хәтта килешүдә язылган булса да дөрес булып саналмый.

Фото:pixabay.com

 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading