#Сорау-җавап 20 октября 2021, 20:18

"Коръән мәҗлесләрендә тоз кабып чыгу гадәте каян килеп чыккан?"

20 октября 2021, 20:18

Коръән, догалар укылып кылынгач, беренче иттереп тоз кабып куялар.

Скопировать ссылку

Коръән, догалар укылып кылынгач, беренче иттереп тоз кабып куялар.

Кабан арты мәчетенең икенче имамы Сәлимҗан хәзрәт Домнин җавап бирә.
– Чыннан да безнең якларда чакырылган хәзрәт алдына тоз куялар һәм вәгазь, Коръән, догалар укылып кылынгач, беренче иттереп тоз кабып куялар. Чынлыкта бу динебезгә кагылышы булмаган бер күренеш кенә. Кызыгы шунда ки: әлеге гадәт ике гасыр элек тә булган. Шиһабедтин Мәрҗани хәзрәтләре бу хакта “әл-Бәркул-вәмид” китабында тәфсилләп яза: “Казанга килгәч, тоз кабып кую турында сорадылар. Кайсыбер китапларда “тоз капсагыз яхшы” дип язылса да, ни Пәйгамбәребездән, ни аның укучылары сәхәбәләрдән “тозны кабып кую” хакында шиксез, ышанычлы хәбәрләр юктыр. Шуңа күрә тоз кабарга кушмыйбыз да, капканнарны тыймыйбыз да. Дин шулай куша дип түгел, ә тәм өчен үзем кабып куям” дип яза. Димәк, моны һәркем үзе хәл итә.

Кызыклы яңалыкларны күзәтеп бару өчен Телеграм-каналга кушылыгыз.

Язмага реакция белдерегез

Реакция язылган инде

Комментарийлар

Без имени

1

0

Тоз кабып куйгач,безнең ашказаны согы бүленеп чыга башлый һәм ашалган ризыкны эшкәртер өчен әзер була.

Без имени

0

0

Минем картәнием дә шулай тоз кабып куя иде . Урыннары оҗмах түрендә булсын . Коръән ашларында, өстәлләрдә тоз куялар иде. Башкортостан.