#Сорау-җавап 27 января 2018, 14:37 Уку өчен 2 минут

Пенсионерларга быел 5 мең биреләме?

27 января 2018, 14:37

Уку өчен 2 минут

Телефон аша бер хәбәр алдым. Аудио язмада үзен Пенсия фондыннан дип таныштырган хатын-кыз, пенсионерларга 5 мең сум өстәмә акча биреләчәк, дип вәгъдә итә. Документлар бары 20 гыйнварга кадәр генә кабул ителә, ди. Бу нинди өстмә түләү икән? Бер елны пенсионерларга 5әр мең биргәннәр иде, быел да шулай өстиләрме әллә? Сания Гәрәева, Әтнә районы.

Скопировать ссылку

Бу сорау белән Татарстан пенсия бүлегенә мөрәҗәгать иттек. Пенсия бүлеге идарәчесе Эдуард Вафин әйтүенчә, пенсионерларга бернинди 5 мең сум өстәп бирү турында сүз булганы юк.
– 2018 елның 1 гыйнварыннан эшләмәүче пенсионерларның иминият пенсияләре 3,7 процентка артты. Шул исәптән фиксацияләнгән түләү суммасы да индексацияләнде, хәзер ул 4982 сумны тәшкил итә. Пенсия баллы быел 81,49 сум булды. Былтыр 78,58 сум иде. Кыскасы, картлык буенча уртача еллык пенсия республикада 13,2 мең сумга җитте, – дип аңлатты Эдуард Вафин.

Ә смс хәбәрләргә килгәндә, баксаң, Татарстанда үзләрен Пенсия фондыннан дип таныштырып, 5 мең сум вәгъдә итүче мошенниклар барлыкка килгән икән. Алар кешеләрнең шәхси лицевой счетларының иминият номерларын сорый, банктагы карталарының реквизитлары белән кызыксына. Татарстан пенсия бүлеге хезмәткәрләре аеруча сак булырга өнди. Пенсиягә кагылышлы шикле эчтәлекле мөрәҗәгатьләр, хәбәрләр килгәндә, (843) 279-27-27 номеры буенча пенсия бүлегенең «кайнар элемтә» телефонына шалтыратырга яки 8 (927) 419-27-27 номеры буенча Telegram аша Пенсия бүлеге белгечләренә мөрәҗәгать итәргә мөмкин.