Салымны кайчан түләргә?

Федераль салым хезмәтенең Татарстан буенча 5нче районара салым инспекциясенең бүлек җитәкчесе Мөнир Шәйдуллин:

– Салым кәгазьләрен җибәрә башладык. 1 ноябрьгә кадәр алар килеп җитәчәк. Салым хезмәтләреннән шәхси кабинет аша файдаланучыларга исә салым кәгазе электрон рәвештә генә җибәрелә. Салымнарны 1 декабрьгә кадәр түләп бетерергә кирәк. Сораулары булганнар өчен 10-11 ноябрьдә Казанның һәр салым инспекциясендә Ачык ишекләр көне оештырылачак. Салымга кагылышлы сорауларыгызны шунда бирә аласыз. 10 ноябрьдә – 8.30-18.00, 11 ноябрьдә 10.00-15.00 сәгатьләрдә эшлибез.