#Сорау-җавап 04 мая 2019, 10:08 Уку өчен 2 минут

Суны исраф итмә!

04 мая 2019, 10:08

Уку өчен 2 минут

Әнием: «Суны исраф итмә! Аллаһының бүләге ул – су», – дип әйтә торган иде. Яшь чакта бу сүзләрнең мәгънәсенә төшенеп бетерелмәгән шул. Су агып тора, ярты чиләк суны кырыйга түккәннән ни булсын, имеш. Олыгая барган саен, суның бик кадерле чыганак булганлыгына төшенәсең икән. Авылда, ярый ла, калган суны гөлләргә сибәсең яки терлекләргә эчерәсең. Шәһәр фатирында суны ничек сакчыл тотарга икән? Халисә Нотфуллина, Казан.

Скопировать ссылку

Газета укучыбызның соравына Казанның «Мәскәү районы торак-коммуналь хуҗалыгы» идарәче компаниясе белгечләре түбәндәге җавапны җибәрде.

Салкын һәм җылы суны сакчыл тоту ысуллары

хисап приборлары урнаштырыгыз;
су боргычларын, бүлгечләрне, душ сиптергечләрен һәм унитазларны вакытында төзәтегез. Ныклап ябылмаган боргычтан секундына бер-ике тамчы су тамса да, тәүлегенә 30 литр су югала;
гадәти бүлгечләрне (смеситель) кул белән кагылмыйча да эшли торганнарына алмаштыру отышлы. (Бүлгечкә инфракызыл тапшыргыч көйләнгән. Кеше үзенә кирәкле температурага куя. Кулны сузуга, инфракызыл тапшыргыч эшли башлый һәм су температурасы автомат рәвештә тиешле югарылыкка җитә. Суга 30-50 процент экономия ясала.)
сакчыллык системасы белән җиһазландырылган бүлгечләр дә суга 30-40 процент экономия бирә. Мондый бүлгечләрдә су ике агымлы: экономияле һәм тулы куәттә. Экономияле режимдагысы, тулы куәттәге белән чагыштырганда, суны 60 процентка азрак тота;
саплы бүлгечләр ике боргычлы краннарга караганда экономиялерәк;
аэратор краннар (аларда су һава белән кушыла) шулай ук сакчыллыкны яхшырта;
кранга махсус насадка-җайланма урнаштырсаң, су агымын төймәгә бер басу белән кабызырга яки туктатырга була;
кер юу машиналарын бер әйбер өчен генә кабызмагыз, ә керләрне күбрәк тутырып юыгыз;
савыт-саба юу машиналарыннан файдаланыгыз; унитазларны экономияле (2 режимлы) заманчарак модельләргә алмаштырыгыз.

Фото:pixabay.com

Кызыклы яңалыкларны күзәтеп бару өчен Вконтактега кушылыгыз.