Шәһри Казан

Башкалабызга «Барселона» килә

«Рубин» янәдән «Барселона» белән уйнаячак. Юк, бу юлы Татарстан белән Каталониянең төп командалары түгел, 1999 елгы үсмерләр командалары очраша.

Реклама

12-17 апрель көннәрендә Казанда «Рубин» клубының һәлак булган сакчысы Ленар Гыйльмуллин истәлегенә яшүсмерләр арасында халыкара турнир узачак. Анда Россия, Беларусь һәм Испаниянең 8 командасы катнаша, дип хәбәр итә Казан клубының рәсми сайты. Беренче этапта көрәш һәркайсы дүрт командадан торган ике төркемдә барачак. «Рубин»ның яшь футболчылары «Краснодар», «Чертаново» (Мәскәү) һәм «Барселона» белән А төркемендә уйнаячак. Казанлылар беренче уенны 12 апрельдә «Барселона»га каршы уздыра.
«Казан футбол академиясе», «Коноплев академиясе» (Тольятти), ЦСКА (Мәскәү) һәм «Динамо» (Минск) - Б төркемендә. Һәр төркемнән иң яхшы нәтиҗә күрсәткән икешәр команда ярымфиналга юллама алачак.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: