Болак утлар уйнатып, сулар сиптереп торачак

Шәһәр башкарма комитетының тышкы төзекләндерү комитеты рәисе Игорь Куляжев әйткәнчә, Болакның төбен чистартканга һәм билгеле бер күләмдә төзекләндерү ясалганга инде 8 ел узган. Хәзер Болакка капиталь төзекләндерү үткә­релә. Су төбе ләмнән, чүп-чардан чистартылган, тузган фонтаннар сүтелгән. Болакның ярлары ныгытыла, 609 метр чуен койма сузыла, 271 ут баганасы утыртыла. Су өслегендә ачылган чәчәк рә­вешендә 22 фонтан эшләячәк. Алар 6-7 метр диаметрны тәшкил итәчәк, су 9-10 метр биеклеккә ка­дәр сип­терәчәк. Фонтаннарның һәркайсы төрле төсләрдәге электр утларына төренәчәк. Болак ярларына пиромидаль ти­рәкләр утыртыла, чәчәкләр өчен түтәлләр һәм савытлар ясала. Яр битләрендәге чи­рәмлеккә һәм чәчәкләргә су сиптергеч механизмнар көй­ләнә. Фонтаннарга һәм яшеллеккә су кудырачак насослар энергиягә сакчыл булуы белән әһәмиятле. Болактагы күперләр дә тө­зекләндерелә.