Дөнья чемпионатлары үлчәмсезгә әйләнәме?

Платини сүзләреннән аңлашылганча, составка Африка, Азия, Америкадан - икешәр, Европадан тагын бер футбол командасы өстәлергә мөмкин. Тагын бер җыелма команданы Океаниядән җәлеп итмәкче булалар. Бишәр командадан торган 8 төркем оешканда да 2018 елгы чемпионатның финал турниры 3 көнгә генә озынаячак икән.
Мәгълүм ки, футбол буенча дөнья чемпионатларына гамәлдәге схема нигезендә, 32 команда сайлап алына. Шуларның 13е - Европаны, бишесе - Африканы, өчесе - Төньяк Американы, дүртесе Көньяк Американы тәкъдим итәргә тиеш. Тагын 4 команда Азия илләреннән сайлана. Моннан тыш, ике команда махсус матчлар нәтиҗәләре буенча сайлап алына, тагын бер команданы турнирның хуҗасы булган ил тәкъдим итә.