Фәрит Мөхәммәтшин:«Республика хөкүмәтен формалаштыруны озакка сузмаска кирәк»
Татарстан Дәүләт Советының парламент президиумы утырышында рәис шулай дип белдерде.
Татарстан Дәүләт Советының парламент президиумы утырышында рәис шулай дип белдерде.
V чакырылыш Татарстан Дәүләт Советының унынчы утырышы буласы көн дә расланды. Ул 25 сентябрьдә уздырылачак. Анда Татарстан Президенты парламентка Татарстан хөкүмәте рәисе кандидатурасын тәкъдим итәр дип көтелә.
- Утырышта республика Президентының Татарстан премьер-министры кандидатурасына, шулай ук вице-премьерлар буенча тәкъдимнәре каралачак, бәлки хөкүмәт структурасы буенча да тәкъдимнәр булыр. Икътисади яктан катлаулы вакыт булганлыктан, хөкүмәт кичекмәстән эшкә тотынырга тиеш дип уйлыйм. Татарстан Президентының иң беренче имзалаган Указы хәзер эшли торган Министрлар Кабинетының отставкасы турында булачак. Шунлыктан республика хөкүмәтен формалаштыру эшен озакка сузмаска кирәк, - дип ассызыклады ул үзенең чыгышында.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар