Бөекбританиядә яшәүче Саманта белән Энди 2007 елда яратышып өйләнешкән булалар. Берничә елдан ир-ат бик нык авырып китә һәм аңа донор бөере кирәклеге ачыклана. Иренә хатыны бер бөерен һич кызганусыз бирә.
Әмма ир булган кешенең, сәламәтләнеп җиткәч, хатынының дус кызы белән мәхәббәт кора башлаганлыгы билгеле була. Бу хәбәрне Самантага үзе үк иренең сөяркәсе булган дусты җиткерә. «Оныклары үскәнен күрә алсын өчен, бөеремне кызганмыйча, икенче тормыш бүләк иттем бит мин аңа», - ди Саманта, иренең хыянәтен башына сыйдыра алмыйча. Иренең аклануларын тыңларга да теләмәгән хатын аның белән аерылышырга карар кылган.
Иң мөһим һәм кызыклы язмаларны Татмедиа Telegram-каналында укыгыз
