Шәһри Казан

Җитте шундый замана: өйдә булмаганда йорт тирәсендәге хәлләрне интернет аша тикшереп торып була

Якын киләчәктә казанлылар, шәһәрдән читтә вакытта да, үзләренең йортлары подъездларындагы һәм ишегалдындагы хәлләрне интернет аша күзәтеп тора алачак. “Ачык Казан” (“Открытая Казань”) системасында шәхси кабинетын ачкан Киров районы халкы инде күзәтү камераларындагы видеоязмаларны карау мөмкинлегеннән файдалана.

Бүген “эшлекле дүшәмбе” киңәшмәсендә мэр Илсур Метшин 2011 елда эшләтеп җибәрелгән әлеге системаны шәһәр хакимиятенең “тылсымлы таякчыгы” дип атады.

– Шәһәрнең торак-коммуналь хуҗалыгындагы, торак фондтагы хәлләрне сәгате-минутында белеп торабыз, – диде ул.
“Ачык Казан” электрон системасын соңрак республиканың Түбән Кама, Алабуга, Әлмәт, Кама Аланы, Иннополис, Зәй калалары һәм хәтта Россиянең Грозный, Сыктывкар, Воркута шәһәрләре үзләренә өлге-үрнәк итеп алган. Шәһәр башкарма комитеты җитәкчесе урынбасары, торак-коммуналь хуҗалык комитеты рәисе Искәндәр Гыйниятуллин таныштырганча, 2012-2017 еллар дәверендә казанлылардан системага торак-коммуналь тармакка кагылышлы 1,8 миллион мөрәҗәгать кергән.

“Халык контроле” (“Народный контроль”) дәүләт мәгълүмат системасына юлланган Казанга кагылышлы хәбәрләр дә 2013 елдан башлап “Ачык Казан” системасына җибәрелә. Гаризаларның 99 проценты чишелеш тапкан.

Реклама

– Ишегалларын яктырту, подъездда лампочканы алмаштыру, йортта электр уты сүнү, җылы су килмәү турындагы хәбәрләр – иң күбесе. Мөрәҗәгать 30 сәгать эчендә хәл ителә, – диде Искәндәр Гыйниятуллин.

“Ачык Казан” системасында теркәлгән казанлылардан 200 мең мөрәҗәгать алынган. Call-үзәк аша шәһәр хакимиятенә 1,6 миллион хәбәр җибәрелгән. Мобиль кушымта да бар, 2014 елдан бирле аны инде 30 меңгә якын казанлы үзенең кәрәзле телефонына урнаштырган.
“Ачык Казан” системасында open.kzn.ru сайтының беренче битендә идарәче компанияләрнең рейтингы белән дә танышырга була. Рейтинг көн саен яңартып торыла. Мөрәҗәгатьләрне иң яхшы үтәүчеләр хәзергә “Мегаполис”  белән “Домсервис” идарәче компанияләре. Рейтингта иң түбән дәрәҗәдә – “Домсервис+” белән “Премиум торак-инвестиция компаниясе”.

Искәндәр Гыйниятуллин әйткәнчә, күп фатирлы йортларга капиталь ремонт программасы 2043 елга кадәр исәпләнгән. Ләкин, соңгы өч елда капиталь ремонт исемлеген төзегәндә теге яки бу күп фатирлы йорттан “Ачык  Казан”га кергән гариза-мөрәҗәгатьләр дә исәпкә алына икән.
Мэр Илсур Метшин казанлыларны әлеге системаны актив кулланырга чакырды. Моның өчен халыкның компьютер белемен күтәрү зарурлыгын да искәртте ул.

“Ачык Казан” системасында хәзер 41 идарәче компания, 277 подрядчы оешма һәм торак-коммуналь тармакка караган “Татэнерго”, “Казэнерго” акционерлык җәмгыятьләре, “Водоканал” һәм “Казан энергосервис үзәге” муниципаль унитар предприятиеләре, “Чиста шәһәр” һәм “Торак-коммуналь хуҗалык предприятиесе” (“ПЖКХ”) җаваплылыгы чикләнгән җәмгыятьләр эшли.

Фото: it-news-world.ru

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
Соңгы комментарийлар
Интервью
  • 14 март 2018 - 14:51
    «Хәләл фермер» Ленар ЛАТЫЙПОВ: «Хатын сайлау берни түгел, сыер сайлап кара син!» Биектау районының Торнаяз авылында «хәләл фермер» белән танышып кайттык. Биш вакыт намазын калдырмаган, шәригать кануннары буенча яшәүче Ленар Латыйповлар гаиләсен күрше-тирәдә шулай атыйлар. Алар ун ел эчендә мөгезле эре терлек санын 250гә җиткергән. Республикада бу – иң күп мал асраучы гаилә фермасы.
    533
    0
    2
  • 14 март 2018 - 16:28
    Лаешта пычрак су «дефицит»ка әйләнәчәк Татарстанның Лаеш районы Чулман белән Идел елгалары кочагына урнашкан. Гаҗәеп матур җирләр.
    446
    0
    0
  • 14 март 2018 - 15:42
    «Гавайи» салаты ясау ЫСУЛЫ Бер порция өчен 40 гр айсберг яки пекин салаты (икесен бергә кушсагыз да була), 50 гр ысланган тавык, 40 гр консервланган ананас, кечкенә генә бер тырнак сарымсак һәм кыздырылган кара ипи кисәкләре кирәк.
    332
    0
    0
Ночной режим