Шәһри Казан

“Без булдырабыз! Без бергә!” дигән бәйрәм чарасы көне буе дәвам итә

13 сентябрьдә сайлаулар көне уңаеннан "Казан Арена" стадионы каршындагы мәйданда "Без булдырабыз! Без бергә!" дип аталган бәйрәм чарасы узачак.

Сайлауга тавыш бирергә барганнар сайлау участогында бирелгән махсус беләзекләр белән бу концертка эләгә ала. Казан шәһәре Башкарма комитеты аппараты җитәкчесе Игорь Сивов әйтүенчә, беренче тапкыр мондый бәйрәм былтыр Татарстан Дәүләт Советына депутатлар сайлау вакытында оештырылган булган. Бәйрәм чарасы сәгать 10.00 дә башланачак. Футбол стадионы каршындагы мәйданда 1980 еллар стилендәге мәйданчык эшли, ретро автомобильләр күргәзмәсен, яшьләр өчен лофт-зона, ГТО нормаларын тапшыру өчен җайлаштырылган мәйданчык, экстремаль спорт төрләре паркын күрергә мөмкин булачак. Шулай ук "Әдәби ишегалды" фестивален уздыру да ниятләнә. Анда танылган артист Дмитрий Харатьян чыгыш ясар дип көтелә.

Реклама

Сәгать 14.00 дә концерт мәйданчыгында Татарстанның иң яхшы поп һәм рок төркемнәре катнашында концерт башлана. Бәйрәмдә Салават, "Елка" һәм "Любэ" төркеме дә чыгыш ясар дип көтелә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: