30 август - Татарстан Республикасы һәм Казан шәһәре көненә багышланган мәдәни программа башкала районнарының ишегалды бәйрәмнәре белән башланып китәчәк.
28 августта 19.00 сәгатьтә «Казан-Арена» стадионы каршындагы мәйданда «Җыр бәйрәме» мәдәни-күңел ачу акциясе үткәрелә.
29 августта Кремль яр буенда «Мәдәниятләр мозаикасы» беренче республика этноконфессия фестивале була. Анда интерактив мәйданчыклар, мастер-класслар, халык сынлы сәнгать күргәзмәсе, Татарстан халыклары ассамблеясенең милли-мәдәни автономияләре традицияләрен һәм милли мәдәниятен чагылдыручы экспозицияләр эшләячәк.
30 августта исә мәдәни чараларга өлгер генә. Парклар һәм скверлар елы кысаларында, Үзәк мәдәният һәм ял паркында 11.00 сәгатьтә балалар өчен «Иске парк хәзинәләре» программасы башлана. Монда төрле уеннарда һәм ярышларда да катнашырга мөмкин. Әдәбият елы уңаеннан, Горький паркында «Әдәби ишегалды» шигърият сөючеләрне үз янына җыячак.
Җиңү паркында «Урам Бит» фестивалендә балалар самокатларда узышачак, лонгбордистлар чыгыш ясаячак. Әлеге фестиваль ял көннәрендә сентябрь ае дәвамында барачак. Шул ук Җиңү паркында 13.00-16.00 сәгатьләрдә судомодель һәм автомодель спорты буенча Казан шәһәр кубогы үткәрелә.
Меңьеллык мәйданында 11.00-15.00 сәгатьләрдә «Камаз-мастер», «Формула-1» пилотлары һәм мотокаскадерлар чыгыш ясый.
Бакый Урманче скверы 12.00 сәгатьтә сәнгать паркына әверелә, анда рәссамнар җыела.
Иске Татар бистәсендә Мәрҗани урамында 13.00 сәгатьтә «Уйнагыз, гармуннар» халык иҗаты бәйрәме уза.
«Казан» халыкара ипподромында Татарстан Республикасы Президенты призына ат чабышлары 15.00 сәгатьтә башлана.
«Казан-Арена» стадионы каршындагы мәйданда 12.00 сәгатьтә Казан гарнизоны патриотик концерт бирә. Программаны 15.00-18.00 сәгатьләрдә татар эстрадасы йолдызлары дәвам итә. Кичен 18.00 сәгатьтә яшьләр өчен концерт программасы башлана. Анда «Созвездие» һәм «Студентлар язы» иҗат фестивальләрендә җиңүчеләр чыгыш ясаячак. Аннан соң «Сильфред Эвальдович» ансамбле, «Прогульщики» һәм «А-Студио» төркемнәре, танылган җырчы һәм композитор Юрий Антонов та сәхнә тотачак.
Игенчеләр сарае каршында 20.00 сәгатьтә «Казан көзе» бишенче халыкара опера фестивале узачак. Татарстан дәүләт симфоник оркестры катнашында опера осталары Полина Пастирчак, Сергей Скороходов, Андрей Жилиховский җырлаячак.
Казансу елгасы буеннан 22.00 сәгатьтә бәйрәм салюты булачак.
Иң мөһим һәм кызыклы язмаларны Татмедиа Telegram-каналында укыгыз
