«Шәһри Казан» «Ел хәйриячесе-2016» бәйгесе җиңүчесе булды

- Соңгы вакытта без коллегаларым-журналистлар белән массакүләм мәгълүмат чараларына ышаныч турында күп сөйләшәбез. Бу бик мөһим, чөнки әгәр журналист сүзенә ышаныч булмаса, безнең барлык акыл, физик, матди, рухи көч сарыф итүебез бушка булыр иде. Хәйриячелек белән шөгыльләнү дә, бу эшләрне яктырту да безнең профессиягә намуслылык өсти. Шушы матур бәйгедә журналистларга багышланган номинация булуына бик шатмын, - диде массакүләм мәгълүмат чаралары җитәкчеләрен котлап, Татарстанның Дәүләт Советы рәисе урынбасары, Татарстан журналистлар союзы рәисе Римма Ратникова.