Татарстанда машиналарны чиплаштырырга җыеналар

RFID-технологияләр тиз вакыт аралыгында машинаның тизлеген билгеләргә, автомобильнең маркасын, моделен танырга ярдәм итә. Шулай ук радиобилгене электрон кошелекка да беркетергә була. Бу исә юл йөрү кагыйдәләрен бозган өчен штрафларны кыска вакыт эчендә түләргә мөмкинлек бирәчәк. Рифкат Минниханов әйтүенчә, дәүләт номерларын чиплаштыру өстәмә чыгымнар таләп итмәячәк. Радиобилге дәүләт номеры алганда түләнә торган пошлина бәясе суммасында булыр дип көтелә. 2016 елда ул 2 850 сумны тәшкил итә. Мондый технологияләр Мәскәүдә инде кулланыла башлаган.

^{Фото: prokazan.ru}