Шәһри Казан

Транспортка бәя арта

15 февральдән Казанның җәмәгать транспортында юл йөрү бәяләре күтәрелә. Билет хаклары артуның төп сәбәбе - дизель ягулыгына бәяләр күтәрелү һәм инфляция. Автобус, метро һәм троллейбуста йөргән өчен 1әр сумга артык түли башларга туры килсә, трамвай өчен бәя 3 сумга ук үсәчәк. Димәк, автобуста бер тукталыш барган өчен дә без хәзер...

Реклама

15 февральдән Казанның җәмәгать транспортында юл йөрү бәяләре күтәрелә. Билет хаклары артуның төп сәбәбе - дизель ягулыгына бәяләр күтәрелү һәм инфляция. Автобус, метро һәм троллейбуста йөргән өчен 1әр сумга артык түли башларга туры килсә, трамвай өчен бәя 3 сумга ук үсәчәк. Димәк, автобуста бер тукталыш барган өчен дә без хәзер кесәдән 19 сум, троллейбус һәм метрода йөргән өчен - 16 сум, трамвайда сәяхәт иткән өчен 15 сум чыгарырга тиеш булабыз. Транспорт картасыннан файдаланучылар акчаларын бераз булса да янга калдыра ала әле. Алар автобуска утырган өчен 2 сумга, электр транспортына утырган өчен 1 сумга азрак түлиячәк. Айлык лимитсыз юл йөрү билетлары буенча автобуста йөрү бәясе - 15 сумга, троллейбус һәм метро өчен - 12 сумга, трамвай өчен 10 сумга чыга.
Сүз уңаеннан: Казанның җәмәгать транспортында юл йөрү бәяләре соңгы тапкыр 2010 елның декабрендә күтәрелгән иде. Шул вакыттан бирле инфляция 12,7 процент тәшкил итеп, дизель ягулыгына бәяләр 25 процентка арткан.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: