Шәһри Казан

Төзек Казанны кайчан күрербез?

Казаныбызда барган бетмәс-төкәнмәс төзекләндерү эшләренә карагач, тиздән без дә «өр-яңа» шәһәрдә яши башлаячакбыз икән, дип, күңел сөенеп куя. Менә ул «тиздән»нең кайчан булачагын гына әйтүе кыен. Башкаладагы ремонт эшләренең әлегә очы-кырые күренми.

Ул арада Чаллы сүтеп-җимереп ташланган Казанның «борынына чиртеп» тә куйды. ТР Төзелеш министрлыгы республиканың иң төзек шәһәрләрен ачыклау буенча конкурс игълан иткән иде. Йөз мең кешедән артык халкы булган шәһәрләр арасында КамАЗ башкаласы беренче урынны яулады. Чаллы узган ел да җиңүне башкаларга бирмәгән иде. Быел икенче-өченче урыннарны лаеклы рәвештә Түбән Кама белән Әлмәт шәһәрләре бүлешкән. Казан исә әлегә пьедесталдан ерак тора. Әлегә дип ышанасы килә, чөнки Универсиада башланганчы, саласы юлларны салып, төзәтәсен төзәтеп бетерерләр, шәт. «Иң төзек шәһәрләр» исемлегенә шулай ук Бөгелмә, Зәй, Минзәлә һәм Мамадыш (җиңүчеләр халык санына карап ачыкланган. - Авт.) та кергән. Шунысын да әйтеп китәргә кирәк: конкурсның Россия күләмендә уздырылганында да вакыт-вакыт республикабыз шәһәрләре күренгәли. Түбән Кама, Әлмәт һәм Лениногорск шәһәрләренең берничә тапкыр җиңү тәмен татыганнары бар.
Көне-төне эш гөрләгән башкаланы бөтенләй үк исемлектән алып ташлыйсы килми, әлбәттә. Иртәгә яхшырак булсын өчен, бүген бераз кыен ашарга кирәк, дигән уй йөртә безне. Илсур Метшин ремонтка керешкәнче үк, җәй бик киеренке булачак, дип кисәтеп куйган иде. Шәһәр халкын түзем булырга чакырган реклама такталары урнаштырырга да онытмадылар, юлларның ябылуы турында алдан хәбәр ителеп торды. «Юллар машина капотына сулы стакан куеп, бер тамчы да түкмичә йөри торган булырга тиеш» - мэрның май башында әйткән әлеге сүзләренең нәтиҗәсен барыбыз да көтәбез. Билгеле булганча, Казанда 12 юл-транспорт чишелеше, җәяүлеләр өчен 45 чыгу юлы төзелә, 73 урамда капиталь төзекләндерү бара.
Әлегә Казанның төзекләнүе турында олыдан кубып сөйләргә иртәрәк. Бүген игътибарыбызны яңартылган урамнар түгел, бөкеләр, ябык юллар, ватык асфальт җәлеп итә. Аның каравы, киләсе елга яңарган, матурайган Казанда яшәрбез, дип өметләнәбез.

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1160
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    551
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    408
    0
    0
Ночной режим