Трансформатор хатын-кыз була алмый

Аның инде яхшы гына кызмача икәне күренеп тора, чәйкалып-чәйкалып та китә.

- Дустым, нәрсә булды сиңа, ник монда басып торасың? – дип сорагач.

Тегесе аңа карап-карап торды да, бу агайны кочаклап, битеннән үбеп алырга ук үренә башлады.

- Кит әле, мин сиңа теге телевизордан күрсәтә торганнар түгел ич. Ул чит илләрдә генә ир-ат, ир-атны, хатын-кыз хатын-кызны кочаклап, ялашып йөриләр. Әле бер ир-ат трансвестит булган да, хатын-кызга әйләнгән ди.

 - Нәрсә нәрсә, трансформатор хатын-кызга әйләнгән дисенме? Кит, юкны сөйләмә. Минем хатын әйтмешли, сүзең дөрес булса да, кеше ышанмаслыкны сөйләмә. Мин гомерем буе электрик булып эшлим, мине, син лампочкалар гына борып йөри дип уйлыйсыңмы әллә. Баганасына да менәм, тимер чыбыгын да тартам, трансформаторларны урнаштырган, төзәткән чаклар да булды. Бер генә трансформаторның да хатын-кызга әйләнгәнен күргәнем юк әле. Булмас хәлне сөйләп башымны катырма әле, болай да баш авырта. Әйдә бер кечкенәне булса да алып чыгыйк, баш та төзәлеп китәр.

 - Тукта дустым, мин бит сиңа трансформатор димим, трансвестит дим. Ул ир-ат үзенә операция ясатып хатын-кызга әйләнгән. Андыйлар хәзер чит илләрдә күп икән.

 Синең бу сүзләреңнән айнып киттем бит әле. Бу зәхмәт суы, мине яхшыга алып бармас. Теге трансформатор мужиклар тик торганда гына хатын-кызга әйләнмәсләр, салган баштандыр. Зәхмәт суы эчә-эчә үзем дә берәр җанварга әйләнеп куюым бар. Булды дустым, эчүне ташлыйм, дип дустына сүз бирде.

Вакыйф Кыямов, Казан шәһәре.