«Шәһри Казан» егете Казан уртасындагы карлы Сабантуйда җиңде (ФОТО)

Күргәзмә бәйрәм төсмерен алган иде. Ярминкәдән тыш анда Сабантуй уеннары - багаганга менү, кашыкка йомырка салып йөгерү, капчык киеп йөгерү кебек уеннарда катнашу мөмкинлеге булды.

Редакциябезнең машина йөртүчесе Альберт Каюмов та баганага менү ярышында катнашты. Катнашты гына түгел, ә икенче урынны алды! Тамашачылар калын курткалардан туңып торганда яланаяк, ялан өс багана башына "ә" дигәнче менеп җиткән егеткә "Афәрин!" дими, ни дисең инде?! Кыскасы, безнекеләр булдыралар!