#Язмалар 07 сентября 2018, 10:10

Акчага корылган тормыш

07 сентября 2018, 10:10

Быел Корбанга сарык чалырга булдым. Авылда, шөкер, корбан бәрәннәрен сатучылар бар. Әллә кайдан эзләп йөрисе юк. Яшем 70тән узган, шуңа да авылның бер башыннан сарыкны ияртеп кенә кайта алмам, дип, күршедәге яшь егеткә ярдәм итүен үтендем.

Скопировать ссылку

Аның йөк машинасы бар. Ул сарыгымны машинасына салып алып кайтып бирде. Моның өчен, яхшы түгел, дип, аңа 200 сум акча суздым. Алды. Исем китте, Корбан гаете көнне өлкән кешегә берничә йорт аша сарык алып кайтып биргән өчен дә акча алсыннар инде. Без яшь чакта карт-карчыкның чакырганын да көтеп тормый идек, печән кайтамы – шундук сәнәкләребезне тотып килеп җитәбез, көтүдән кайтмый калган бәрәнен алып кайтып барамы – җилкәбезгә салабыз да җилдертәбез генә... Хәзер тормыш акчага корылган, күрәсең. Рәхмәт өчен берәү дә берни эшләми. Кызганыч...

Вазыйх Җәләлов, Кама Тамагы.

Фото: pixabay.com

#акча