Авыл "өйдә утыра"

 Әле узган атнада гына кунакка йөрешкән, туган көннәр, бәби чәйләре үткәргән авыллар бүген өйдә калуны хуп күрә. Маскасыз йөргәннәргә, бергә җыелышып утыручыларга, районнарга "шабашка"га чыкканнарга штрафлар салына башлагач, хәлнең гадәттән тыш булуына төшенә башладылар кебек.

Мондый чикләү, тыюларның да нәтижәсе бар. Болар барысы да куркынычсызлык өчен эшләнелә. Авылларның ватсап төркемнәре дә "Өйдә кал" акциясенә кушылды.

Берәү тегә, икенчеләре аш-су серләренә өйрәтә, кемдер кулына гармун алган, көй сузып җибәргән. Шул рәвешле, тынлыкта калган авыл кешеләре үзләренең талантлы авылдашларының чыгышларын тыңлап хозурлана, ичмасам. Гармунчыларның мондый "Өйдә кал" акциясенә Саба районы Юлбат авылыннан Котдус Рәхимуллин, Булат Шәмсиев, Тенеки авылыннан Фәнил Фәләхиев, Зөфәр Баһавиев кушылды.