Шәһри Казан

Азнакайда Россиядә тиңе булмаган проект эшли

Балаларның сәламәтлеген ныгыту өчен мәктәп – иң уңышлы мәйдан. Ата-аналар, сәламәтлек саклау, мәгариф оешмалары берләшеп, балаларның сәламәтлеген ныгытуга зур өлеш кертә ала, әмма күп мәктәпләрдә шәфкать туташлары юк. Медицина кабинетлары буш тора.

Бу – кабинетларны лицензияләүдә кыенлыклар белән дә бәйле, дип аңлата Республика балалар клиник хастаханәсенең баш табибы Рафаэль Шәвәлиев. Әйтик, Казанда 161 мәктәпнең бары 104ендә генә лицензияле медицина кабинеты эшли. Сырхауханәләр белән килешү төземәгән мәктәпләр җи¬тәрлек. Мәктәп укучыларының сәламәтлеген ныгыту белән бәйле проблемаларны хәл итү максатында, «Бердәм Россия» партиясе «Мәктәп – сәламәтлек территориясе» программасын тәкъдим итә. Дөрес, Татарстанда моңа кадәр дә бу өлкәдә эшләп килгән программалар бар иде. 2016 елдан бирле Казан шәһәрендә «Азино» сырхауханәсенә теркәлгән Совет районының ун мәктәбе базасында «Татарстанда сәламәтлек мәктәпләрен үстерү» проекты гамәлгә ашырылып килә. «Балаларга – Сәламәтлек» программасы да нәтиҗәле эшли. Проектның төбәк координаторы Рафаэль Шәвәлиев әйтүенчә, төп максат – балаларга сыйфатлы медицина ярдәме күрсәтү.

Реклама

– Дәүләт күләмендә балалар сәламәтлегенә зур игътибар бирелә. Перинаталь үзәкләр салынды, проект кысаларында, балалар сырхауханәләре төзекләндерелә. Алга таба балалар өчен яңа, сыйфатлы сырхауханәләр салына башлар дип уйлыйбыз, – ди Рафаэль Шәвәлиев.

Азнакай районы үзәк хастаханәсендәге «Здравкласс» проектына Россиядә тиңнәр юк. Проектның җитәкчесе, балалар табибы Луиза Мурадыймова: «Мәктәптә укыганда, балаларның сәламәтлеге начарлануга гаҗәпләнәсе дә юк», – ди. Балалар бакчасында биш тапкыр ашап, даими саф һавада булып өйрәнгән сабыйларның мәктәптә режимнары бозыла. Шуңа да укучыларга сәламәт яшәү кагыйдәләрен кечкенәдән сеңдерергә кирәк.
– Проект 2015 елдан эшли башлады. Азнакай районы хастаханәсенең баш табибы Илдар Шиһапов, безнең идеяне хуплап, бу сыйныф өчен аерым кабинет бүлеп бирде. Хастаханә эчендә үзенә күрә бер мәктәп барлыкка килде. Атнага ике тапкыр район мәктәпләреннән бер класс безгә килә һәм укучыларга аерым бер темага мәгълүмат җиткерәбез. Темалар төрле: кариес булдырмау, җенси тәрбия, дөрес туклану һәм башкалар. Дәресләрне кызыклы итеп, уен формасында үткәрергә тырышабыз. Укучылар арсалар, мультфильм күрсәтәбез, гимнастика ясыйбыз. Дөрес, мәктәпләрдә дә сыйныф сәгатьләрендә класс җитәкчеләре сәламәтлек турында еш сөйли. Ләкин хастаханәдәге мохит укучыларга ныграк тәэсир итә, – ди Луиза Мурадыймова. 

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 19 января 2018 в 14:32
    Балалар бакчасына түләү күпмегә арта?
    Быел 1 гыйнвардан балалар бакчасына түләү бәяләре артты. Былтыргы белән чагыштырганда (2017 елда түләүләр сигез процентка арткан иде) әллә ни күпкә түгел, дүрт процентка гына. Бу уртача 120 сум дигән сүз.
    83
    0
    1
  • 12 января 2018 в 11:37
    Татарстанда яшь ананы вәхшиләрчә үтерүдә гаепләнүче кулга алынган Түбән Камада чаңгы шуучы 29 яшьлек хатын-кызны үтерүдә шикләнелүче тоткарланган, дип хәбәр итә ТР Эчке эшләр министрлыгының матбугат хезмәте.
    324
    0
    0
  • 12 января 2018 в 14:42
    Эт елында этләнеп яшик?! Раштуада шәмнәр яндырып көзге алдында утырмасаң да, яңа гына башланып киткән елны фаразлавы кыен түгел. Чираттагы Кыш бабайны көткәндә, сайлаучылар алдында мескен күренергә тырышкан депутат кебек, салават күперебез дә аклы-каралы гына иде димәбез, иншалла, әмма чынбарлыгыбыз бөтенләй үк аллы-гөлле дә түгел.
    213
    0
    0
  • 12 января 2018 в 12:31
    Узган ел бәхетле булганбыз Яңа елга аяк басканда, узганына нәтиҗәләр ясау гадәте бар: бәяләр ни рәвешле уйнаган, без нихәтле яхшы яши башлаганбыз, тормыш дәрәҗәбез кай тирәдә икәнен чамалап тору кызык бит.
    108
    0
    0