Быел Биектаудагы Айбаш авылы мәчете белән Әтнә районындагы Дауд йорты төзекләндереләчәк

Узган елны мәдәни мирас объектларын саклау комитетының игътибары өч мөһим объект тирәсендә тупланган. Бу Яшел Үзән районындагы Энгельгардт исемендәге обсерватория, Спас районындагы Болгар шәһәре һәм Чистай тарихи үзәге. Болардан кала да шактый эшләр башкарылган. 

– Татарстан мөселманнары диния нәзарәте белән берлектә «Бергәләп саклыйбыз!» проекты эшли башлады. Шуның бер мисалы – Кукмара районының Мәчкәрә авылындагы мәчет. Ул хәйриячеәр акчасына реставраөияләнә. Проектның мәгълүмати сайты эшли, иганәләр системасы җайга салынган һәм җыеган акчага беренче чираттагы эшләр башкарылды. Проектны гамәлгә ашыруда яңа технологияләр кулланыла. Республикада 18-19 нчы гасырга караган тарихи агач корылмалар сакланып калган һәм алар үзләренә зур игътибар таләп итә, – диде докладчы.

Быел комитет Кама Тамагы районындагы 18 гасырда төзелгән Михаил-Архангельск чиркәвендәге реставрация эшләрен төгәлләргә җыена, Казанның Завод мәчетендә башланган эшләр дәвам иттереләчәк. Биектау районындагы Айбаш авылы мәчете һәм Әтнә районындагы Дауд йорты төзекләндереләчәк.