Шәһри Казан

Җил чәчәген ничек дәваларга?

Балачакта яшелгә буялып йөргәнне күпләр хәтерлидер. Җил чәчәге белән гадәттә кечкенә вакытта авырыйлар. Бу вирусның билгеләре, аны дәвалау турында медицина фәннәре кандидаты Люция ГЫЙНИЯТОВА белән сөйләштек.

– Люция ханым, җил чәчәгенә күпләр җиңелчә карый. Бу чынлап та куркынычсыз вирусмы?
– Алай ук димәс идем. Һәр организм төрле. Авыру вакытында еш кына тән температурасы күтәрелә, үлекле бетчәләр чыга, кабарчык урыннарының җөйләнеп калуы бар. Җил чәчәге өзлегүләр китереп чыгарырга, баш мие тукымаларын зарарларга мөмкин. Авырган вакытта көчсезләнгән организм башка вирусларны да җиңел йоктыра. Еш кына җил чәчәгеннән соң тулысынча тернәкләнмәгән балаларда үпкә ялкынсынуы күзәтелә.

– Җил чәчәген бер тапкыр йоктырган бала аның белән кабат авырмый, диләр?
– Авыру вакытында баланың тәненә кабарчык бетчәләр бик күп чыкмаса да, тән температурасы күтәрелмәсә дә, аның инде бу авыруга иммунитеты бар дигән сүз. Бу очракта яңадан вакцина ясату, саклану кирәкми.

– Авырганда, урамда йөрергә, юынырга ярыймы?
– Хәле әйбәт, температурасы юк икән, саф һавага чыгарга рөхсәт ителә. Дөрес, кеше күп булган җәмәгать урыннарына бару тыела. Җил чәчәге тиз йога. Яңа туган сабыйлар, йөкле хатыннар, вирустан прививка ясатмаган балалар, балачагында авырмаган өлкәннәр өчен бу куркыныч тудырырга мөмкин. Кайбер табиблар, җил чәчәге вакытында юынырга ярамый, диләр. Мин үзем моның белән килешмим. Киресенчә, авыручы кеше тирләп, тән тиресендәге инфекцияле жәрәхәтләр тагы да азарга мөмкин дип саныйм. Кычытуга, әрнүгә түзә алмаганда кайчакта коену ярдәм итә.

Реклама

– Җил чәчәген ничек дәваларга?
– 12 яшьтән өлкәнрәкләргә вируска каршы дарулар эчәргә киңәш ителә. Тән тиресендәге бетчәләргә зеленка сөртергә була. Аны кулланырга ярамый дигән сүз – уйдырма. Зеленка сөрткәч, яңа бетчәләрнең артуын да күзәтергә җайлы. Төсенең тиз бетмәве генә уңайсыз. Бу мәсьәләдә чит илдә җитештерелгән дарулар ярдәм итә. Дөрес, алар кыйммәтрәк.

– Кызамык, кызылча белән авырганнар җил чәчәген йоктырмый дип ишеткәнем бар, бу дөресме?
– Юк, алар – төрлесе төрле инфекция. Кеше һәркайсын йоктырырга мөмкин.

– Җил чәчәгеннән сакланып буламы?
– Бердәнбер саклану чарасы – прививка ясату. Кызганыч, ул илкүләм прививкалар календарена кертелмәгән. Теләгән кеше аны, табиб белән киңәшләшеп, үзе ясата ала. Вакцина түләүле.

– Прививка ясатсаң, авырмаячаксың дип ышандырып әйтеп буламы соң?
– Әгәр дә прививка ике тапкыр ясалган икән (бер тапкыр ясаткач, алты атнадан соң кабатларга кирәк), вирус йоктыру куркынычы юк. Кешене вакцина бу авырудан 25-30 ел дәвамында саклый. Авыруны йоктырган очракта да, ул җиңел формада узачак. Үз балаларыма да җил чәчәгенә каршы прививканы түләп ясаттым. Җил чәчәген гомер буе йоктырмаучылар да бар. Ходай сакланганны саклармын, дигән бит... Сәламәтлекне кечкенәдән кайгыртырга кирәк.

Лилия Гатауллина, Казан

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    304
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    674
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    341
    2
    2
  • 19 февраля 2018 в 16:43
    Корея кояшы астында безгә бәхет елмаермы?
    Җиңгән очракта – гимн, җанатарларга трибунадан болгар өчен флаг юк дип тормый инде спортчыларыбыз, акрынлап булса да, Олимпия медальләре өчен көрәшүен дәвам итә.
    69
    0
    0