16+

Инстаграмда әниләр һәм әбиләр ачуын чыгара. Депрессия?

Яз җитте, хейтерлар артты. Кайсы гына аккаунтны ачып карама, хәтта шатлыклы пост-хәбәрләргә дә тискәре реакция белдерәләр, ахмак сүзләр калдыралар...

Инстаграмда әниләр һәм әбиләр ачуын чыгара. Депрессия?

Яз җитте, хейтерлар артты. Кайсы гына аккаунтны ачып карама, хәтта шатлыклы пост-хәбәрләргә дә тискәре реакция белдерәләр, ахмак сүзләр калдыралар...

“Шәһри Казан”ның инстаграмда 100 меңгә якын язылучысы бар (дәүләт газеталары арасында иң зур сан бу!). Язылучыларыбыз актив, шөкер. Соңгы араларда әллә ни булды кайберләренә. Әшәке, хәтта сүгенү сүзләре дә ычкынгалый башлады. Сәбәбе – язгы депрессия? Анысы да бардыр. Социаль-икътисадый вазгыять белән дә бәйлелек бардыр: кибетләрдә бәяләр арта, фатир-автомобильләрне хәзер күп миллионнар белән генә алырга мөмкин, коронавирус белән бәйле сәламәтлек тә әллә ни түгел, хезмәт хаклары күтәрелү түгел, ә еш кына киселә торган замана. Шул ук вакытта әйләнә-тирәдә матур яшибез, акчаны көрәп алабыз дип мактанучылар, әйдә өйрәтәм, әйдә сатам, әйдә акчаңны арттырам дип язучы псевдо һәм чын миллионерлар да күбәеп китте. Ә без башкалар өчен әллә ни шатлана белмибез шул, һаман гаеп, пычрак, кер эзлибез.

Кыскасы, халык ачуын чыгара. Социаль челтәрләрдә эчен бушата. Башкалардан гаеп эзләп, көлеп (елмаеп түгел), пычратып күңелен тынычландыра. Әйе, аларны кискен гаепләп тә булмый. Социаль челтәрләр хәзер шул ук социум, үзенә күрә бер җәмгыять.

Икенче яктан, кызганыч та андыйлар. Ул кешеләр бөтенләй елмаймыйдыр, шатлана белмидер шикелле тоела. Ә бит андыйларның күпчелеге хатын-кызлар! Урта яшьтәгеләр, өлкәннәр, әниләр һәм әбиләр... Менә шунысы тагын да үкенечле. Нәкъ менә алар матур итеп уйларга, кеше күңелен күрергә, илһамландырырга тиеш түгелме? Хәер, “тиеш” категориясе үзе дә бәхәсле нәрсә. Замана, шул ук психологлар, миллионерлар син беркемгә дә тиеш түгел, үзеңне яратырга, үзең өчен яшәргә дип өйрәтә. Күпләр шуларга иярә хәзер. Модасы шул.

Шатланырга өйрәник әле. Башкалар өчен дә...

Фото: https://pixabay.com/ru

Язмага реакция белдерегез

4

0

0

0

0

Реакция язылган инде

Комментарийлар

Мөһим

loading