Ит сатучыларның хәлләре нигә мөшкел?

Сәүдә бармый. Араларында көне буена 1 килограмм ит үткәрә алмаучылары да бар икән. Җылы һавада яткан итнең төсе һәм тәме сәгатьләп начарлана. Кошчылык фабрикаларының суткычлары бар. Ит сатучы хатыннар суыткыч арендаласа, керемнәре бөтенләй диярлек калмаячак.
Базарлар техник җиһазланыш һәм зыялы хезмәт күрсәтү мәсьәләсендә югары күтәрелмәсә, бер-ике елдан тәмам ябылачак икән, дигән уйга килдем мин. Заманча эре сәүдә үзәкләре базарларны юкка чыгарачак. Сәүдә үзәкләрендә берсеннән-берсе матур һәм кулай бәяләрдәге итләр суыткычларга тезеп куелган, сатучылары да өлгер һәм “культурный”, чөнки. Авырлыгын тикшерәсең килә икән, сәүдә үзәкләрендә шунда ук үлчәве тора.

Мәскәү базарының тынлык һәм бушлык хөкем сөргән ит сату рәтләрен калдырып, тышкы мәйданчыкка чыктым. Менә монда сәүдә гөрли, ичмаса.
Әзәрбайҗан, үзбәк кешеләре сату-алу эшенә оста инде, мәгәр. Соравыңа да ипләп җавап кайтаралар. Безгә базар сәүдәсендә алар дәрәҗәсенә ерак әле.
Халык ит рәтләренә якын да килми, җиләк-җимешләрне караштырып уза, берән-сәрән яшелчә үсентеләре алучылар бар. Нәрсәгә су буе чират икәнлеген язсам, ышанмассыз: чәчәк! Халык мәш килеп, төрле-төрле чәчәк үсентеләре сатып ала. Матур хәл-күренеш инде бу. Быел бакчаларда яшелчәләрнең уңыш бирәчәге шикле, чәчәк утыртабыз.

Мәскәү районы базарында 7 июньдә азык-төлек бәяләре (килограммнарда)

Сыер ите – 280-300 сум
Бәрән ите – 300-350 сум
Тавык – 140 сум
Бәрәңге – 15-30 сум, яңа бәрәңге – 45 сум
Кәбестә – 40 сум
Кишер – 40 сум
Кыяр – 35-50 сум
Помидор – 75-100 сум
Суган – 30-35 сум
Алма – 80-120 сум
Лимон – 200-250 сум
Черешня – 200-250 сум
Виктория – 250-300 сум
Бал – 1200-1500 сум (3 литрлы банкада, уртача 4 килограмм 500 грамм)
Помидор үсентесе (11 данә) – 80-100 сум
Кыяр үсентесе (1 данә) – 20 сум.

Фото: pixabay.com