Июль аенда 16 яшькәчә булган балаларга тагын өстәмә акча бирелә

Июль аенда 16 яшькә кадәр булган балаларга дәүләт 10 мең күләмендә тагын бер тапкыр акча түләячәк. Бу хакта бүген РФ Президенты Владимир Путинның ил халкына булган мөрәҗәгатендә мәгълүм булды.

Билгеле булганча, пандемиядән килгән зыянны компенсацияләү максатыннан, дәүләт 1-3 яшьлек балаларга апрель, май һәм июнь айларында 5 әр, ә 3-16 яшьлекләргә бер тапкыр бирелә торган 10 мең сум күләмендә акча күчергән иде.

Июль аенда өстәмә рәвештә балаларга 10 мең сум акча түләнеләчәк һәм моның өчен кабат гариза тапшыру таләп ителми, дип аңлатты Владимир Путин.