Кайсы аяк киеме зыян китерә?

Әмма төп киңәшне истә тотыгыз: биек үкчәле туфли ул асфальттан эшкә барганда «дефиле» өчен түгел. ­Театр-концертка барганда гына кияргә тырышыгыз. Үкчәсе 6 сантиметрдан биегрәк булган туфлине көн дә кияргә ярамый. Кеше туры итеп басып торганда, органнарга һәм буыннарга көч бертигез төшә. Үкчәгә баскач, авырлык үзәге алга күчә. Балансны саклау өчен, тәнебез органнар, сөяк һәм умыртка баганасының торышын үзгәртергә мәҗбүр. Шул сәбәпле, биек үкчәдә озак йөреп, варикоз кан тамырлары киңәя, аяклар авырта.

Кедаларны да һәрдаим кию зыянлы икән.

Яссы табанлы артсыз аяк киеме, «вьетнамка», уггиларны киюнең дә үз кагыйдәсе бар. Беренче икесе бассейн, пляж, аквапарк, мунчага гына киелә. Ун минуттан артык кияргә ярамый. Артсыз аяк киемен кигәндә шуып китмәсен өчен, кеше бармакларын җиңелчә бөкли. Шул рәвешле аяк табаны мускулларына көч килә.

Сандали, ачык аяк киеме каешлары үкчәне, аяк очын тыгыз итеп тотып торганын сайлагыз. Уггиның да аяк табаны бөгелә торган һәм йомшак булсын, аңарда аяк тегендә-монда «йөрмәсен».