Казанда ике автобус катнашындагы һәлакәттә 7 кеше зыян күргән

Казанның Ямашев проспектында ике автобус катнашындагы авариядән соң, җиде кеше табибларга ярдәм сорап мөрәҗәгать иткән, дип хәбәр иткәннәр «Татар-информ» агентлыгына ТР Сәламәтлек саклау министрлыгының матбугат хезмәтеннән. http://tatar-inform.tatar/news/2018/01/23/156580/

«Һәлакәт булган урынга ашыгыч медицина ярдәме бригадалары юл тотты. Биш зыян күрүчене 7нче шәһәр хастаханәсенә китерделәр, икесен урында тикшергәннән соң өйләренә кайтарып җибәрделәр. Дәвалау-диагностика чаралары үткәрелгәннән соң, зыян күрүчеләрне 7нче шәһәр хастаханәсеннән амбулатор дәвалануга озаттылар», - дигән ТР Сәламәтлек саклау министрлыгының матбугат сәркатибе Айгөл Сәлимҗанова.

Авариядә зыян күргән дүрт кешене табиблар 7нче шәһәр хастаханәсенә озата. Аларның өчесе - нейрохирургия, берсе травматология бүлегенә китерелгән.