Халыкара “Татар Җыры” эстрада фестивале быел “Пирамида” сәхнәсендә 22 декабрь көнне унтугызынчы тапкыр узачак.
Грандиоз тамашага оештыручылар гына түгел, җырчылар да бик тырышып әзерләнә. Төрле кызыклы экспериментларда теләп катнашучы Хәмдүнә Тимергалиева, мәсәлән, бу юлы тамашачыны яңа образы белән шаккаттырмакчы. Татарстанның халык артисткасы күнелгелгән сәхнә күлмәкләреннән баш тартып, заманчарак вариантка тукталырга булган. Чалбарлы костюммы? Әллә итәклесеме? Берсен генә сайлап алу бик авыр.
Сезнеңчә, яраткан җырчыбызга кайсы вариант күбрәк туры килә? “Татар Җыры” сәхнәсендә чыгыш ясау өчен Хәмдүнә Тимергалиева 3 образның кайсын сайлар? Бу сорауга җавапны 22 декабрь кичендә белербез!
