ТНВ каналында “Манзара” тапшыруын алып баручы Ильяс Шәяхмәтовның кичә беренче баласы туды. Тормыш иптәше Эльвира аңа Изге Рамазан аенда һәм Гаилә көнендә Аллаһы Тәгалә рәхмәте белән ир-бала бүләк итте.
Шәяхмәтовлар әлегә Түбән Камада яши. Ильяс ТНВга эшкә шуннан килеп йөри. Бәлки, белмәүчеләр бардыр, талантлы егет – “Татарстан яшьләре” газетасының даими авторы Раушания Шәяхмәтованың улы.
“Матбугат.ру” хәбәрчесе Ильясның хис-кичерешләрен сораган. “Шәп инде” – диде Шәяхмәтов һәм елмайган түгел, ә хәтта ыржайган смайлик өстәде. Алып баручы әйтүенчә, сабый Түбән Камада дөньяга килгән. Буе 51 см, авырлыгы 3380 грамм. Балага бик матур исем сайлаганнар – Мөслим!
Чыганак: Матбугат.ру
Комментарийлар