#Язмалар 17 ноября 2017, 09:09 Уку өчен 2 минут

Мари Элда булган юл һәлакәте корбаннарының саны унбишкә җиткән

17 ноября 2017, 09:09

Уку өчен 2 минут

Бүген Мари Элда траур көне. Авариядә һәлак булучыларның саны унбишкә җиткән. Унтугыз кеше зыян күргән, алар арасында балалар да бар.

Скопировать ссылку

Кичә кичке алтынчы яртылар тирәсендә Йошкар-Ола – Козьмодемьянск юлының 74 нче чакрымында зур юл-транспорт һәлакәте булды. “Mercedes” микроавтобусы агач төягән “Камаз” белән бәрелеште. Микроавтобус Йошкар-Оладан Юрино бистәсенә барган булган. Беренчел мәгълүматларга караганда, һәлакәт һава торышының начараюы аркасында килеп чыккан.

Авария булырга бер сәгать кала көчле кар бураны булган. Шунысы да бар: микроавтобус йөртүче алдагы машинаны узып китәргә теләгән, әмма каршына зур тизлектә килүче “Камаз”ны күреп, ул бәрелешүне булдырмаска тели, әмма барып чыкмый, автобус белән бәрелешә һәм кюветка барып төшә.

Мари Эл республикасының Тикшерү комитеты юл-транспорт һәлакәте буенча җинаять эше ачкан.