16+

Мәскәүдәге ташламалар, мөмкинлекләр безнең төшкә дә керәсе юк

Россиядә яшәү шартлары иң югары дип исәпләнгән төбәкләр исемлеге төзелгән. Бу мактау тактасының беренче унлыгында Татарстан да булу сөендерә, әлбәттә! Әлеге рейтингны “РИА Новости” агентлыгы белгечләре төзегән. Алар төбәкнең 70 төрле күрсәткечләрен исәпкә алып эшләгән.

Мәскәүдәге ташламалар, мөмкинлекләр безнең төшкә дә керәсе юк

Россиядә яшәү шартлары иң югары дип исәпләнгән төбәкләр исемлеге төзелгән. Бу мактау тактасының беренче унлыгында Татарстан да булу сөендерә, әлбәттә! Әлеге рейтингны “РИА Новости” агентлыгы белгечләре төзегән. Алар төбәкнең 70 төрле күрсәткечләрен исәпкә алып эшләгән.

Кызык та, кызганыч та, әмма рейтинг лидерлары инде берничә ел дәвамында үзгәрешсез кала бирә. Тормыш дәрәҗәсе иң сыйфатлы дип, Мәскәү, Санкт-Петербург һәм Мәскәү өлкәсе санала булып чыккан.

Мәскәү гомумән дә, аерым дәүләт төсле инде ул. Андагы ташламалар, пенсияләр, хезмәт хакы, мөмкинлекләр – безнең төшкә дә керәсе юк.
Хәтта экспертлар да башка төбәкләр өчен бу күрсәткечләр күктәге йолдыз белән бер ди бит әнә! Якын киләчәктә үзгәрешләр булырга күренми дә, дип өсти аналитиклар. Шулай булгач, йә Мәскәүгә күчәсең, йә хыялланып яшисең инде!

Шөкер, Татарстаныбыз да ким түгел. Юкка гына ул бу исемлекнең беренче унлыгына кертелмәгән бит инде! Безнең белән бер дәрәҗәдә Белгорад өлкәсе, Краснодар крае, Ленинград өлкәсе, Воронеж өлкәсе, Ханты-Манси автоном округы, Калининград өлкәсе дә бар. Алар башкалардан алга киткән икътисады белән аерылып тора. Бу төбәкләр барысы бергә Россиянең 40 процент эчке төбәк продукты тәшкил итә.
Артта калганнарда да үзгәрешләр зур түгел икән. Кич уңмаган, һич уңмый, диләр бит. Социаль-икътисади үсеш белән дә әллә ни мактана алмый алар, халыкның кереме белән дә. Эшсезлек күрсәткече дә аларда югары икән.

Артта калучылар дип экспертлар Калмыкия, Кабардин-Балкар, Ингушетия, Курган өлкәсен, Алтай Республикасын, Бурятия, Карачай-Черкес, Еврей автономия өлкәсен, Байкал арты краен, Тыва Республикасын атаган.

Аналитик мәгълүматларга караганда, 2020 ел нәтиҗәләре буенча 40 төбәкнең рейтинг баллары үскән, ә 45енеке киресенчә, кимегән. Әмма аңа карап кына төбәкләрдә тормыш сыйфатына бәйле үзгәрешләр зур түгел, ди белгечләр.
 

Лилия ЛОКМАНОВА

Анна АРАХАМИЯ фотосы

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading