16+

“Өй янды дип кайгырырга вакытлары юк, 16 баш терлекләре көтә”

05 февраля 2025, 10:16
5571
0
1
Уку өчен 2 минут

4 февраль көнне Биектау районының Коркачык авылында чыккан янгын аркасында Лилия һәм Ринат Закировлар йортсыз калган.

“Өй янды дип кайгырырга вакытлары юк, 16 баш терлекләре көтә”

4 февраль көнне Биектау районының Коркачык авылында чыккан янгын аркасында Лилия һәм Ринат Закировлар йортсыз калган.

Йорт белән бергә гараж, мунча һәм сарайлары да янып беткән. 

Закировлар күп итеп мал асрый. Янгын чыккан вакытта сөтләрен урнаштырып кайтып, чәй эчәргә утырган булганнар. 

– Утның чыгу сәбәбе әлегә билгесез. Янгын чыккач ук документларын алып чыгып, сарайдагы терлекләрне җәйге кардага чыгарып җибәргәннәр. Маллары исән-сау, трактор белән машиналары урамда булган. Аларына да зыян килмәгән. Ә инде өйдәге әйберләр, җиһазлар янып беткән, яңа гына зур лар-суыткыч та алып куйган булганнар, – дип сөйләде безгә кода тиешле кешеләре Айгөл Хәйруллина.

Хуҗалык буенча янгын бик тиз таралган, 16 баш терлеккә әзерләп куелган запас печәннән дә берни калмаган. Хәзергә малларын авылдагы бер кешенең фермасына урнаштырганнар. 

– Лилия белән Ринатның кайгырып утырырга вакытлары да юк, терлек карарга, сөтләрен урнаштырырга кирәк. Рәхмәт авылдашларына, бик зур ярдәм күрсәтәләр, – ди Айгөл.  

Гаиләләре дә ишле. Өч кызлары инде кияүдә. Төпчек уллары 7нче сыйныфта укый. Алар белән Ринатның авыру сеңлесе дә яши. Әлегә Закировлар күршеләрендә яшәп торалар. 

Үрнәк, тырыш гаиләгә ярдәм итәргә теләүчеләр өчен: 89297221748 (Альфа банк) Айгөл Айдаровна; 89046768017 (Сбербанк) Лилия Ахатовна.




Кызыклы яңалыкларны күзәтеп бару өчен Телеграм-каналга кушылыгыз. 

Язмага реакция белдерегез

1

0

4

0

0

Реакция язылган инде

Комментарийлар

Мөһим

loading