16+

Скандинавия йөреше турында 5 сорауга ҖАВАП

Скандинавия йөреше буенча тренер Лидия Хәйретдинова белән әңгәмә

Скандинавия йөреше турында 5 сорауга ҖАВАП

Скандинавия йөреше буенча тренер Лидия Хәйретдинова белән әңгәмә

– Скандинавия йөрешенең аерым кагыйдәләре бармы?
– Еш кына төркем белән таяк тотып йөргән әбиләрне күреп сокланам. Техника дөрес булмаса да, иң мөһиме: алар – хәрәкәттә. Ләкин күнегүләр нәтиҗәле, файдалы булсын өчен, аерым техниканы белү кирәк. Һәр кеше темпны үзе билгели. Йөргәндә, тын алу авыр булмаска тиеш.

– Скандинавия йөреше нинди авыруларны булдырмый калырга ярдәм итә?
– Бу бөтен кешегә дә рөхсәт ителә торган бердәнбер спорт төредер, мөгаен. Скандинавия йөреше вакытында мускулларның 90 проценты хәрәкәткә килә. Ул йөрәк-кан тамырлары системасы авыруларын, инсультны кисәтергә ярдәм итә, сулыш органнарына уңай тәэсир итә, мускулларны ныгыта, ябыктыра.

– Таякны ничек сайларга?
– Таяк кешенең авырлыгына, буена карап сайлана. Карбоннан эшләгән таяклар җайлы. Мондый махсус таякларны спорт кибетләреннән алырга була. Чаңгы таягыннан аермалы буларак, махсус таякта бармаклар өчен элмәк куелган була. Бу этелеп китү, куллар ычкынып китмәсен өчен уңайлы.

– Бу спорт төре күбрәк өлкәннәр өчен кебек тоела.
– Юк, минем төркемдә яшьләр бик күп. Бездә, беренчеләрдән булып, пенсиядәге әбиләр кулларына таяк алдылар. Шуңа шундый стереотип туды. Әмма чит илләрдә скандинавия йөреше белән олысы-кечесе, ир-ат та, хатын-кыз да шөгыльләнә.

– Скандинавия йөреше белән атнага ничә тапкыр шөгыльләнергә кирәк?
– Башлап җибәргәндә, атнага ике-өч тапкыр акрынлап шөгыльләнү дә җитә, ә идеалда көн саен 5 мең адым узарга кирәк.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading