Шәһри Казан

«Сәләтлеләр университеты» якты киләчәккә юл ача

Татарстан һәр яклап та алда бара торган төбәк. Бары алга киткән субъектларда гына киләчәк хакында уйланалар. Төбәкнең киләчәге булган яшьләр хакында кайгырталар. Татарстанда инде 2015 елдан алып “Сәләтлеләр университеты” проекты тормышка ашырыла.

“Сәләтлеләр университеты” республика Министрлар Кабинеты тарафыннан гамәлгә куела. Аларның төп максаты — 12-30 яшьлекләрнең киләчәген кайгырту, аларга үсеш өчен мөмкинлекләр тудыру.

Билгеле инде, теләсә нинди уку йортына конкурс аша керү булган кебек, сәләтлеләр өчен эшли торган әлеге проект буенча да бары олимпиадаларда, конкурсларда, ярышларда җиңгәннәр генә белемнәрен арттыра ала.
Университетның башкарма директоры Айдар Акмалов сүзәренчә, сәләтле балаларны алар үзләре чакыра, шулай ук кызыксынган балалар һәм студентлар үзләре дә проектта катнышырга теләп килә.

Униерситетның һәр студенты порталда шәхси кабинет ача. Әлеге кабинеттагы хисап счетында 100 балл була. Бу 50 мең сум дигән сүз. Студентлар әлеге балларны үзләренең белемнәрен арттыруда тота ала. Шулай ук конкурслар, олимпиадаларда җиңеп, студентлар ул балларны арттыра да.
Моннан тыш, шәхси кабинетта проектта катнашырга теләк белдерүчеләр диагностика уза. Моның ярдәмндә, аларның кайсы юнәлештә сәләтле булуларын, командада ничек эшләүләрен карыйлар.

- Һәр баланың үз остазы билгеләнә. Һәр остазның 1-5 укучысы булырга мөмкин. Остазлар әлеге балалар белән бергәләп үсеш планы төзиләр һәм һөнәри үсешләрен билгеләргә ярдәм итә. Билгеле инде, азаккы карарны балалар һәм аларның ата-аналары кабул итә.​ Татарстан Президенты Рөстәм Миңнеханов йөкләмәсе нигезендә, бу проект 2025 елга кадәр озайтылды һәм республика бюджетыннан бүлеп бирелә торган 100 миллион сум шул чараларга юнәлтелә, – ди Айдар әфәнде.

Остазларны да аерым укыталар. Аларның күбесе мәктәптә эшләүчеләр икән. Хәзергә университетта 1200гә якын студент һәм​ 400ләп остаз исәпләнә. Шуны да билгеләп үтәргә кирәк: остазларга хезмәт хакы каралмаган. Әмма  төрле өстәл уеннары үткәргән укытучыларга акча түләү каралган. Шулай ук “Сәләтлеләр университеты” ярдәме белән алар төрле форумнарга, конференцияләргә йөри, белемнәрен арттыра.
Студентлар исә чит илләргә дә барып белемнәрен арттыру мөмкинлегенә ия. Мисалга ике укучы Эстониядә кыска вакытлы курсларда булып кайткан. Алар киләчәктә үзләрен филалогия белән бәйләргә тели.

- Остазлар арасында активлары йөзләп. Ә 400гә якын кешене без укытып, сертификатлар тапшырдык. Ел дәамында балалар өчен дә, остазлар өчен дә чаралар уздырыла. Шул исәптән, каникулда да. Узган язгы каникулда математика сменалары эшләде. Белүегезчә, Сочида “Сириус” белем бирү үзәге бар. Күптән түгел ул инновацион фәнни-техник үзәк статусын алды. Килешү нигезендә, майдан алып “Сириус”ның Татарстандагы бүлеге эшли башлады. 2024 елга кадәр мондый бүлекләр Россиянең барлык төбәкләрендә дә булырга тиеш, - дип аңлатма бирде Айдар Акмалов.

Һәр баланың тормышында әти-әни зур роль уйный. Һөнәр сайлауда да. “Сәләтлелщр университеты” җитәкчесе дә шул фикердә. Әти-әниләр безнең эштә бик зур роль уйный һәм балаларга зур йогынты ясый, ди ул.
Булган талантларны үстерү генә аз. Ул сәләтне тиешле юнәлештә файдалану да кирәк. Шуны истә тотып, проект җитәкчеләре эшмәкәрләр, эш бирүчеләр белән тыгыз элемтәдә тора.

- Эш бирүчеләрнең күбесе киләсе 3-5 елда үзләренә нинди кадрлар кирәк булачагын белә. Бу, миңа калса иң авыр сораудыр. Хәзер кирәкле булган кадрларны әйтергә була, ә киләчәкне фаразлау кыенрак. Шуңа да заводлар белән эшлибез. Алар сәләтле балаларга нәрсә эшләүләре, нәрсә кирәк булуы хакында сөйлиләр, таныштыралар. Безгә бер егет спорт юнәлеше буенча җиңеп килгән иде. 9 сыйныфтан соң ул безнең мәктәпкә белем арттырырга килде һәм анда вертолет заводының бер җайланмасын күрсәттеләр. Шуннан соң бу егет кызыгып китеп, вертолет сыйныфына күчте. Мәктәпне тәмамлаганнан соң да шул юнщлештә укырга керде. Хәзер дә берничә түгәрәк алып бара, эшли, - ди “Сәләтлеләр университеты” җитәкчесе.
Төрле оешмалар сәләтле студентлар белән ныклап кызыксына икән. Бигрәк тә үзенең киләчәге өчен битараф булмаган яшьләр белән. Чөнки үз киләчәгенә битараф булмаган кеше – оешма киләчәгенә дә битараф түгел, дигән фикердә Айдар әфәнде.
“Сәләтлеләр Университеты”нда шөгыльләнүчеләр арасында үзмәшгуль булып теркәлеп, үз эшен ачкан балалар да бар икән. Мисал өчен, “Шәһри Казан” элегрәк язган Алия туташ. Ул латин хәрефләре белән бизәкләргән киемнәр тегеп сата. Оешманың төп максаты – ул студентларын эш белән тәэмин итү.

“Сәләтлеләр университеты” республиканың барлык районнарында да эшчәнлеген җәелдергән. Алар балалар белән төрле уеннар, тренинглар уздыру, хакатоннар үткәрү белән шөгыльләнә.

- Хәзер барлык районнар буенча өйрәнүләр уздырабыз. Үзебез дә көтмәгән идек, әмма хәзер безнең республика буйлап 37 меңнән артык анкета тупланылды. Әлеге анкеталарны анализлаганнан соң районнарда нәрсә җитмәвен, ниндиерәк мохит икәнен аңлый алачакбыз, – ди Айдар әфәнде.

Укучылар белән хәзер “Сәләтеңне ач”  проекты тормышка ашыралар. Аның кысаларында 19 бала Казан федераль университетының төрле факультетларында белем бирә торган профессорлар белән шөгыльләнә, Бердәм дәүләт имтиханнарына әзерләнә.
“Сәләтлеләр университеты”нда дәресләр читтән торып та үткәрелә, гамәлиләре дә уздырыла.

Реклама

- Гамәли дәресләрне университет базасында уздырабыз. Төп максатларыбызның берсе – ул бездә укыган балаларны үзебездәге югары уку йортлары студентлары итеп күрү. Дәрвишләр бистәсендә Мәгариф һәм фән министрлыгының “Дуслык” базасы бар. Анда төзекләндерү эшләре көтелә. Шуннан соң ул базада “Сириус”тагы кебек лабораторияләр эшләячәк, – дип белдерде Айдар Акмалов.

Әгәр дә сезнең дә балагыз сәләтле, киң кырлы һәм белемгә омтылучан икән, “Сәләтлеләр университеты”на мөрәҗәгать итә аласыз!

Лилия Локманова

 

Татарстанда алты министрлыкның өстенлекләре өчен онлайн-тавыш бирү төгәлләнә

. Татарстан Дәүләт хезмәтләре порталы ярдәмендә республика халкы медицина, мәгариф, мәдәният, яшьләр сәясәте, спорт, хезмәт һәм социаль яклау өлкәләре хезмәткәрләре өчен нинди мәсьәләләрне хәл итү өстенлекле булуын сайлый.

Исегезгә төшерәбез, Дәүләт хакимияте органнары максатларын ачык формалаштыру буенча пилот проект Татарстанда 2018 елдан гамәлгә ашырыла.

Шул рәвешле Татарстан Республикасында яшәүчеләр социаль блок министрлыкларының – Сәламәтлек саклау, Мәдәният, Мәгариф һәм фән, Хезмәт, мәшгульлек һәм социаль яклау, Спорт, шулай ук Яшьләр эшләре буенча министрлыкларның 2020 елга өстенлекле эш юнәлешләрен үзләре сайлый ала.

31 октябрьдә әлеге министрлыкларның төп максатларын һәм бурычларын билгеләү буенча тавыш бирү башланды. Ул 29 ноябрьгә кадәр дәвам итә.

Беренче этапта экспертлар тарафыннан министрлык өчен 2020 елга өстенлекле юнәлешләр буенча тәкъдимнәр формалашты. Хәзер инде тавыш бирү бара.

Үз тавышыгызны Дәүләт хезмәт порталы аша кереп калдырырга була. Моның  өчен Татарстан Дәүләт хезмәтләре порталында теркәлергә, “Опросы жителей” сервисына күчәргә һәм тавыш бирүне узарга кирәк. Ул 29 ноябрьдә тәмамланачак.
Татарстанлылар министрлыклар экспертлары формалаштырган максатлар һәм бурычлар өчен генә түгел, үз вариантларын да тәкъдим итә алалар.

Монда тавыш бирергә мөмкин.

 

 

Нравится
Поделиться:
Реклама
Комментарии (0)
Осталось символов: