Социаль челтәрләрдә ни өчен парольләрне еш алыштырырга?

– Аның үзенчәлеге шунда, социаль челтәрләрдән кулланучы хакерларга үзе үк шәхси мәгьлүматларны бирә булып чыга. Кешенең аккаунтын җимергәч, җинаятьчеләр аның хуҗасы белән элемтәгә керә һәм аны кире кайтару өчен акча таләп итә. Аккаунтларны үз уяулыгың гына сакларга мөмкин. Төрле сайтларга кергәндә, шикле сылтамалар буенча күчмәскә һәм компьютер, телефоннарга шикле кушымталар урнаштырмаска киңәш ителә.
Социаль челтәрләрдәге аккаунтларыгызны саклау өчен өч кагыйдәгә таяныгыз: программаларны бары рәсми чыганаклардан гына урнаштырыгыз, вируска каршы программа белән даими рәвештә  җайланманы (компьютер, телефон) тикшерегез. Вакыт-вакыт (кимендә 3 айга бер тапкыр) парольләрне алыштырыгыз.
Шул ук вакытта пароль урнаштыру өчен ике факторлы аутентификацияне кулланырга кирәк. Моннан тыш, төрле аккаунтлар өчен төрле парольләр куллану мөһим.

Шулай ук җәмәгать урыннарындагы Wi-Fi-челтәреннән файдаланмаска киңәш ителә, чөнки сезнең мәгълүматларыгыз караклар кулына эләгергә мөмкин.
Әгәр дә аккаунтыгызга һөҗүм итсәләр, социаль челтәрнең “техник ярдәм”енә мөрәҗәгать итегез, хәлне аңлатып бирегез. Компьютерыгызны вируска каршы программа аша тикшерегез, башка социаль челтәрләрдә парольләрне алыштырыгыз, шулай ук аккаунтның караклар кулына эләгүе турында дусларыгызга хәбәр итегез. Чөнки алдарлар сезнең исемнән башкаларга акча сорап мөрәҗәгать итүләре бар.

Соңгы арада кулланучылар инстаграммдагы аккаунтларының караклар тарафыннан җимерелүе хакында хәбәр итә. Бу уңайдан Ленар Дәүләтшин  ышанычлы пароль кулланырга киңәш итә. Ул кимендә алты цифр, хәреф һәм тыныш билгеләреннән торырга тиеш.

 Әгәр аккаунтыгызга һөҗүм ясалган, ә социаль челтәрнең техник хезмәте аны чын хуҗасына кире кайтару өчен ярдәм итә алмаган икән, кулланучының полициягә мөрәҗәгать итәргә хокукы бар. Россия Җинаять кодексының 138 һәм 272нче маддәләре нигезендә, ягьни әлеге гамәлләр социаль челтәрдә шәхси профильгә һөҗүм итү җинаять буларак бәяләнергә мөмкин. Бу мошенникның  шәхесе ачыкланганнан соң, җинаятьчене җаваплылыкка җәлеп итү өчен нигез булачак, монысын оператив хезмәткәрләр хәл итә.

Россия Җинаять кодексының 138 һәм 272нче маддәләре нигезендә, башка берәүнең хат алышу серләре, телефон сөйләшүләре, почта, телеграф яки башка хәбәрләргә ия булуы җинаять эшен кузгату өчен этәргеч буларак бәяләнергә мөмкин.

Әгәр аккаунтка һөҗүм итү нәтиҗәсендә кешенең шәхси мәгълүматын кулланып, хокуксыз гамәлләр кылынган булса, монда сүз шәхесне кимсетү турында бара. Биредә сүз административ җаваплылык (Россиянең административ хокук бозулар турында кодексының 5.61нче маддәсе) турында бара һәм шулай ук Россия Гражданнар кодексының 152.1нче маддәсе нигезендә, кеше үзе рөхсәт бирмәгән килеш, аның сурәтен кулланган өчен дәгъва белдерергә була.