Гаризалар кабул итү октябрь ахырына кадәр дәвам итә. Татарстанда 484 мең 257 бала 10 мең сум күләмендә бер тапкыр бирелә торган акча алды. Гаризалар кабул итү октябрь ахырына кадәр дәвам итәчәк.
Хәзер тагын 563 мең Татарстан баласы бер тапкыр түләүгә дәгъва кыла, гомуми түләүләр суммасы 5,63 млрд сумнан артык тәшкил итәчәк.
Бер тапкыр түләнә торган акча гаилә керемнәренә бәйле түгел һәм балалар һәм яшүсмерләргә 6 яшьтән 18 яшькә кадәр һәм мәктәп программасы буенча белем алучы 18 яшьтән 23 яшькә кадәр булган сәламәтлеге мөмкинлекләре чикле затларга бирелә.
РФ Президенты Владимир Путин Указы нигезендә, мәктәп укучыларына бер тапкыр бирелә торган түләү 1-нче сентябрьдән дә соңга калмыйча (яңа уку елының беренче көне) 6 яше тулган, ә 18 яше 3-нче июльдән дә (түләү турындагы Указ чыкканнан соң беренче көн) соңга калмыйча тулган балалары булган Россия гаиләләренә бирелә. Ата-аналардан тыш, акчаны уллыкка алучылар, балаларның попечительләре һәм опекуннары ала ала.
Түләүләр гаризада күрсәтелгән счетка күчерелә. Бу Россия территориясендә гамәлдә булган теләсә нинди түләү системасының карта счеты (сберкнижка) яки банк картасы булырга мөмкин.
Иң мөһим һәм кызыклы язмаларны Татмедиа Telegram-каналында укыгыз
