Урамга чыгарга ялган рөхсәт кәгазе язучыларга - зур күләмдә штраф!

Изоляция чорында Путин указында күрсәтелгән оешма-учреждениеләрдә эшләүчеләр генә эшкә йөри. Бу категориягә көндәлек товарлар белән тәэмин итүчеләр, кибетләр, медицина оешмалары, даруханәләр, гадәттән тыш хәлләрдә кичектергесез эшләр башкаручылар керә.

Хезмәткәрләр эшкә махсус белешмә белән йөри. Белешмәне Татарстан Министрлар Кабинеты карары белән расланган форма буенча эш белән тәэмин итүче бирергә тиеш.

Ә ялган белешмә ясаганнарга штраф салыначак. Зур күләмдә...

Исегезгә төшерәбез: җитди сәбәп булганда өйдән чыгу өчен смс-рөхсәт алырга кирәк. Татарстанда коронавирус буенча  оператив штаб андый рөхсәтләре булмаганнарны иртәгәдән штрафка тарта башлаячакларын кисәтә.

Фото: https://pixabay.com/